Баранавічы: праабаронца Сяргей Гоўша адстойвае сваё права на карыстанне беларускай мовай у банкаўскай сферы

2014 2014-05-13T10:48:07+0300 2014-05-19T13:22:07+0300 be http://spring96.org/files/images/sources/belarusbankk.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праваабаронца Сяргей Гоўша атрымаў ліст з Адкрытага акцыянернага таварыства “Ашчадны банк “Беларусбанк”, філіял № 802, за подпісам дырэктара А.Ф. Навіцкага, у якім паведамляецца, што банк разгледзеў яго зварот па пытанні плацяжоў і выкарыстання беларускай мовы пры абслугоўванні кліентаў.

Найперш банкаўскі чыноўнік падрабязна распавёў Сяргею Гоўшы пра працу “Беларусбанка” аб развіцці і ўдасканаленні адзінай разліковай і інфармацыйнай прасторы (АРІП) для аплаты паслуг. А што тычыцца беларускай мовы пры абслугоўванні клінтаў, то спадар Навіцкі паведаміў у сваім адказе, што, “…кіруючыся нарматыўна-прававой базай Рэспублікі Беларусь, банк мае права пры аказанні паслуг насельніцтву выкарыстоўваць адну з дзяржаўных моў РБ -- беларускую ці рускую”.

– Але артыкул 50 Канстытуцыі гарантуе, што кожны грамадзянін мае права карыстацца роднай мовай, выбіраць мову зносін. У рэальных жыцці ў нас ўсё выглядае зусім інакш. Я не магу адправіць ці надрукаваць якую-небудзь банкаўскую паперку на беларускай мове, бо супрацоўнікі банка скардзяцца на нястачу беларускага шрыфта ў кампутарах. Аб гэтым я і пісаў кіраўніцтву банка і спадзяваўся, што яго ім установяць, і можна будзе свабодна карыстацца роднай мовай для аплаты паслуг. Але замест канкрэтнай працы па пашырэнні беларускай мовы ў банкаўскай сферы мне даслалі звычайную адпіску, – паведаміў праваабаронца Сяргей Гоўша.

Грамадскі актывіст мае намер адстойваць сваё права карыстацца роднай мовай далей.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international