Міліцыянер — маці Кумца: «Вы што, багатая? Хочаце штраф заплаціць?»

2014 2014-05-11T16:18:09+0300 2014-05-11T16:18:09+0300 be

У Мінску затрымалі Уладзімера Кумца, у панядзелак суд. Уладзімера Кумца адвезлі на Акрэсціна, судзіць будуць у панядзелак. Пра гэта «Нашай Ніве» паведаміла яго маці

Уладзімера Кумца адвезлі на Акрэсціна, судзіць будуць у панядзелак. Пра гэта «Нашай Ніве» паведаміла яго маці.

 

Па словах Алены Кумец, сына затрымалі, калі той выйшаў пакатацца на ровары. Пабачыўшы міліцэйскую машыну, хлопец звярнуў у іншы бок. Аднак яго спынілі супрацоўнікі ў цывільным, якія выйшлі з іншай машыны.

Хлопец паспеў патэлефанаваць маці. Тая выбегла з пад’езда і разам з сынам паехала ў Ленінскі РУУС.

Участковы міліцыянер Гушчын, які ехаў з імі ў машыне, паабяцаў, што хлопец напіша тлумачальную і яго адпусцяць. Алена пацікавілася, чаму гэтага нельга было зрабіць дома. На што Гушчын сказаў, што «вы дзверы ніколі не адчыняеце».

Ва ўпраўленні міліцыі Алена спрабавала даведацца, на якой падставе затрымалі сына. Праваахоўнік Фалей (прозвішча са слоў жанчыны) сказаў толькі, што Уладзімер «усё прызнаў».

Алена пачала абурацца, як так – яна ж на свае вочы бачыла, што сын нічога не парушаў.

Тады міліцыянер прыгразіў жанчыне, што калі яна не супакоіцца, напіша на яе заяву за ілжэсведчанне. І дадаў «Вы што, багатая? Хочаце штраф заплаціць?»

Алена Кумец кажа, што сын даўно не займаецца палітыкай. Пару год назад, пасля гісторыі з вярбоўкай у КДБ, ён атрымаў палітычны прытулак у Польшчы. Аднак нядаўна вярнуўся ў Беларусь.

Жанчына гатовая звярнуцца да хакеістаў, каб тыя папрасілі Лукашэнку вызваліць усіх затрыманых актывістаў.

Уладзімер Кумец раней сцвярджаў, што за ім працягваюць сачыць. 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international