Шалкевіч і Бартосік возьмуць удзел у канцэрце «За Беларусь!»

2007 2007-06-11T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

23 чэрвеня – у дзень святкавання Купалля па старым стылі – у Гомелі запланаваны канцэрт «За Беларусь!», на якім выступяць вядомыя беларускія барды. Арганізоўваюць мерапрыемства гомельскае маладзёжнае грамадскае краязнаўчае аб`яднанне «Талака» і раённая арганізацыя Таварыства беларускай мовы.

Як паведаміла БелаПАН старшыня «Талакі» Ларыса Шчыракова, свой удзел у канцэрце пацвердзілі мінскі аўтар-выканаўца Зміцер Бартосік, Віктар Шалкевіч з Гародні, а таксама гомельскія барды Андрэй Мельнікаў, Вальжына Цярэшчанка і Зміцер Вінаградаў. Паводле слоў Л.Шчыраковай, гэтыя аўтары-выканаўцы ўпершыню разам выступяць у абласным цэнтры. «Ужо вельмі даўно ў Гомелі не было канцэртаў ні Бартосіка, ні Шалкевіча. Ды і мясцовых бардаў мы чуем нячаста. Спадзяемся, канцэрт будзе спрыяць папулярызацыі ў Гомелі беларускамоўнай аўтарскай песні і беларускамоўнай культуры ў цэлым», -- заўважыла Л.Шчыракова.

Як зазначылі арганізатары канцэрта, назва «За Беларусь!» была абавязковай умовай з боку адміністрацыі Дома культуры, у якім плануецца правядзенне мерапрыемства.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international