Гендырэктар “Граніту” на прадпрыемства актыўных грамадзян не бярэ

2014 2014-05-07T10:45:40+0300 2014-05-07T10:45:40+0300 be http://spring96.org/files/images/sources/kalinouski-vital-mikashevichi.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віталь Каліноўскі.

Віталь Каліноўскі.

У гэтым пераканаўся чарговы прэтэндэнт на працу на гэтым прадпрыемстве, экс-кандыдат у гарадскі і абласны саветы Віталь Каліноўскі, якога на “Граніт” накіраваў цэнтр занятасці ў сувязі з наяўнасцю свабодных вакансій.

Генеральны дырэктар Эдуард Гаўрылковіч запытаў у Каліноўскага, чаму ён быў звольнены з папярэдняга месца працы. Віталь сумленна адказаў:

- За актыўную грамадскую пазіцыю.

У адказ пачуў:

- Для цябе месца тут няма. Ідзі ў аддзел кадраў, там табе адзначаць у накіраванні.

Начальнік аддзела кадраў – мама Эдуарда Гаўрылковіча – нават не здзівілася адмове, моўчкі пазначыла, што вольных вакансій няма, кажа Віталь Каліноўскі.

Менш месяца таму адмову на “Граніце” атрымала былы кандыдат у дэпутаты ад кампаніі "Гавары праўду" і сябра БСДП (Грамада) Наталля Стражэвіч. Дырэктар Э.Гаўрылковіч адмовіў ёй на падставе таго, што: "Нам такія людзі, якія ўдзельнічаюць у апазыцыі ўладзе, не патрэбны!"

Сябра Сацыял-дэмакратычнай партыі (Грамада) і актывіст кампаніі “Гавары праўду” Віталь Каліноўскі вымушаны быў звольніцца па ўзгадненні бакоў з прыватнай фірмы “Нарбуд+”, дзе працаваў слесарам механа-зборачных работ. На гэтым настаяў гаспадар прадпрыемства, на якога ў сваю чаргу ціснулі гарадскія ўлады.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international