Баранавічы: талака каля Крыжа сталінскіх ахвяраў

2014 2014-05-07T10:32:43+0300 2014-05-07T10:32:43+0300 be http://spring96.org/files/images/sources/baranavichy-talaka-repres.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прадстаўнікі грамадзянскай супольнасці Баранавічаў 6 траўня арганізавалі талаку ў скверы на скрыжаванні вуліц Смаленская і Пірагова, дзе ў 1992 годзе быў усталяваны Крыж – знак памяці пра ахвяраў бальшавіцкіх рэпрэсій 1939-1953 гг.

– Баранавіцкія сябры і прыхільнікі дэмакратычных партый і арганізацый узялі на сябе абавязак даглядаць памятную мясціну ў гэтым скверы. Тут заўсёды шмат не толькі мінакоў, але і маладзёнаў, якія любяць вабіць вольны час на свежым паветры, таму тэрыторыю парка трэба сістэматычна добраўпарадкоўваць. Сёння мы тут не толькі прыбралі тэрыторыю ад смецця, але і пасадзілі прыгожыя кветкі. Адначасова мы расказвалі прысутным у парку людзям, асабліва дзецям, гісторыю баранавіцкай турмы “Крывое кола”. Мінакі з цікавасцю і спачуваннем ўспрымалі інфармацыю, што ў турме “Крывое кола” былі замардаваны тысячы нявінных беларускіх грамадзян, – паведаміла грамадскі актывіст Галіна Ярашэвіч.

Адначасова дамовіліся правесці 22 траўня выяздную талаку па добраўпарадкаванні мілавідскіх помнікаў, прысвечаных паўстанцам Кастуся Каліноўскага.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international