Гродна: абласны суд прызнаў абгрунтаванасць вынясення штрафаў праваабаронцам

2014 2014-05-06T16:37:14+0300 2014-05-06T16:42:53+0300 be http://spring96.org/files/images/sources/sazonau-piket-ukraina.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Віктар Сазонаў і уладзімір Хільмановіч

Віктар Сазонаў і уладзімір Хільмановіч

   6 траўня ў Гродзенскім абласным судзе адбыўся разгляд касацыйных скаргаў праваабаронцаў Віктара Сазонава і Уладзіміра Хільмановіча на пастановы суда Ленінскага раёна горада, згодна з якімі яны былі асуджаны да вялікіх штрафаў. Нагадаем, што 3 красавіка суддзёй Наталляй Козел у раённым аддзяленні міліцыі Віктар Сазонаў, Уладзімір Хільмановіч і Раман Юргель былі прызнаныя вінаватымі ў правядзенні 25 сакавіка нібыта несанкцыянаванага пікету і асуджаны да выплаты грашовых штрафаў – па 25 базавых велічынь кожны. Усё “парушэнне” заканадаўства палягала ў тым, што праваабаронцы ў Дзень Волі сфатаграфаваліся ля помнікаў і гістарычных мясцін з бел-чырвона-белымі, а таксама ўкраінскімі сцяжкамі і выставілі фотаздымкі ў інтэрнэце з віншаваннямі жыхарам Гродна.

   На разглядзе касацыйных скаргаў суддзя Анатоль Заяц зачытваў уголас скаргі, а потым выслухаў Віктара Сазонава і Уладзіміра Хільмановіча. Праваабаронцы спасылаліся на Канстытуцыю і даводзілі, што яны не парушылі аніводнага пункту заканадаўства, у тым ліку і Закона "Аб масавых мерапрыемствах”, паколькі ніякага пікету насамрэч не было. Віктар Сазонаў і Уладзімір Хільмановіч даводзілі юрыдычную абсурднасць вынесенага рашэння суда, але суддзя не ўзяў пад увагу ніякіх аргументаў і падтрымаў пастанову суддзі Наталлі Козел.

   Цяпер грамадскія праваабаронцы маюць намер абскарджваць рашэнне суда ў далейшай інстанцыі – падаць скаргі на імя старшыні абласнога суда.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international