Гомельскага маладафронтаўца Андруся Цянюту арыштавалі на 10 сутак

2014 2014-05-06T16:28:48+0300 2014-05-06T16:28:48+0300 be http://spring96.org/files/images/sources/cianiuta_andrus.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Актывіст «Маладога фронту» Андрэй Цянюта. Фота Юліі Дарашкевіч

Актывіст «Маладога фронту» Андрэй Цянюта. Фота Юліі Дарашкевіч

6 траўня ў судзе Чыгуначнага раёна Гомеля разгледзілі адміністрацыйную справу сустаршыні «Маладога Фронту» Андруся Цянюты. Актывіста затрымалі позна ўвечары 4 траўня на падыходзе да дома. Міліцыянты склалі на яго два адміністрацыйныя пратаколы: за дробнае хуліганства і непадпарадкаванне супрацоўнікам міліцыі.

У судзе сведкамі выступілі тры міліцыянты, якія заявілі, што падчас патрулявання заўважылі на вуліцы актывіста, які гучна лаяўся, таму і затрымалі яго. Міліцыянты давалі сведчанні стандартнымі фразамі, пры гэтым іншых сведкаў, простых мінакоў, не апытвалі.

Цянюта на судзе адзначыў, што ў той вечар вяртаўся дадому ад сяброўкі, паводзіў сябе спакойна і ніякім чынам не лаяўся, бо матаў у беларускай мове проста няма. Актывіст упэўнены, што ягонае затрыманне звязана з хуткім пачаткам чэмпіянату свету па хакеі ў Мінску, яго і іншых актывістаў улады вырашылі ізаляваць перад гэтай падзеяй.

Суддзя Анатоль Сотнікаў прызнаў Цянюту вінаватым і пакараў 10 суткамі арышту: трое сутак за «хуліганства» і сем сутак - за «непадпарадкаванне».

Андрусь Цянюта ўпэўнены, што калі б не дапамога адваката, яго б маглі пасадзіць на больш працяглы тэрмін.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international