Фінькевіч застаецца на «хіміі»

2007 2007-06-07T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

4 чэрвеня палітвязьню Артуру Фінькевічу адмовілі ў датэрміновым вызваленьні. Хлопцу проста далі расьпісацца пад вынікамі праверачнай камісіі, якая адбывалася 14 сакавіка сёлета. У дакумэнце гаворыцца, што да Артура Фінькевіча, як злоснага парушальніка унутранага парадку камэндатуры, ня можа быць прымененае ўмоўна-датэрміновае вызваленьне ці замена пакараньня на больш мяккае.

У траўні 2006 году Артур Фінькевіч быў асуджаны да двух гадоў абмежаваньня волі за нанясеньня графіці. Зь лета таго ж году ён адбывае пакараньне ў магілёўскай спэцкамэндатуры. На сёньняшні дзень Артур мае тры папярэджаньні ад адміністрацыі камэндатуры. Калі атрымае яшчэ адно, то яго могуць пасадзіць у турму.

Фінькевіч у сваю чаргу кажа: “Калі будзе прынятае нейкае палітычнае рашэньне пра маё вызваленьне, то ўсе гэтыя папярэджаньні можна скасаваць цягам пяці хвілін”.

Тэрмін пакараньня Артура Фінькевіча канчаецца ў сьнежні сёлета, паведамляе "Наша ніва".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international