Брэст: абласны суд не задаволіў скаргу мясцовых актывістаў АГП

2014 2014-04-17T22:40:33+0300 2014-04-17T22:40:33+0300 be http://spring96.org/files/images/sources/sud.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Скарга тычылася рашэння суда першай інстанцыі, які паводле якога перадвыбарчы пікет, што адбыўся ў Брэсце 24 лютага, мясцовы гарвыканкам забараніў абгрунтавана, а ўдзельнікі акцыі парушылі працэдуру правядзення масавых мерапрыемстваў.

Як мяркуе кіраўнік Брэсцкай абласной арганізацыі АГП Уладзімір Вуек, той пікет адбываўся цалкам у рамках беларускага заканадаўства і заяўка на яго правядзенне была пададзена па апавяшчальным прынцыпе, што адпавядае Выбарчага кодэксу. “Больш за тое: мы звярталі ўвагу абласнога суда, што супрацоўнікі праваахоўных органаў фактычна парушылі нашы правы на мірныя сходы, мітынгі і дэманстрацыі, гарантаваныя Канстытуцыяй Рэспублікі Беларусь”, - зазначыў Вуек. Паводле яго слоў, рашэнне абласнога суда таксама будзе абскраджана - гэтым разам у Вярхоўны суд.

Пікет, што адбываўся 24 лютага, ладзіўся ў цэнтры Брэста з удзелам лідэра АГП Анатоля Лябедзькі. Падчас мерапрыемства актывісты раздавалі партыйныя матэрыялы і распавядалі пра неабходнасць правядзення сумленных і справядлівых выбараў у Беларусі. Пасля акцыі на некаторых яго ўдзельнікаў былі складзены адміністрацыйныя пратаколы, а суд пазней пакараў кіраўніка абласной арганізацыі АГП Уладзіміра Вуека штрафам памерам 25 базавых велічынь, а актывістаў партыі Дыяну Касцюковіч і Юрыя Жыдовіча – штрафам памерам 10 базавых велічынь кожнага.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international