На Віцебшчыне падалі заяўкі на чарнобыльскія акцыі

2014 2014-04-15T14:27:47+0300 2014-04-15T14:27:47+0300 be http://spring96.org/files/images/sources/ne_aes1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Да ўгодкаў аварыі на Чарнобыльскай АЭС актывісты з Наваполацку і Віцебску запланавалі правядзенне пікетаў.

Чацвёра прадстаўнікоў КХП БНФ накіравалі заяўку на правядзенне пікета 26 красавіка ў адміністрацыю Чыгуначнага раёна Віцебска. Месца правядзення – з адмыслова вызначаных дзеля гэткіх мэтаў, Парк культуры і адпачынку чыгуначнікаў.

Арганізатары хочуць нагадаць землякам пра трагічныя наступствы аварыі на Чарнобыльскай АЭС і ўшанаваць подзьвіг герояў-ліквідатараў. Таксама яны маюць на мэце публічна выказаць сваё адмоўнае стаўленне да будаўніцтва АЭС на тэрыторыі Беларусі.

Як паведамляе сайт vitebskspring.org, у сваёй заяўцы актывісты асобна просяць улады не зважаць на рашэнне Віцебскага гарвыканкаму ад 10 ліпеня 2009 года «Аб масавых мерапрыемствах у г. Віцебску», а кіравацца непасрэдна законам Беларусі «Аб масавых мерапрыемствах» і Канстытуцыяй. Бо згаданае рашэнне фактычна робіць немагчымым рэалізацыю жыхарамі горада сваіх правоў на свабоду выказвання думак і на свабоду мірных сходаў, патрабуючы ад арганізатараў масавых акцый заключаць дамовы са службамі ЖКГ, медыкамі і праваахоўнікамі. Дамовы, якія патрабуюць улады Віцебску, не ўдалося заключыць яшчэ нікому з апазыцыянераў за амаль 5 гадоў дзеяньня рашэння гарвыканкаму.

Паводле сайту freeregion.info , заяўку на акцыю ў Наваполацку падаў актывіст аргкамітэту па стварэнні грамадскага аб’яднання «Свободный регион» Яўген Парчынскі. Пікет такчама запланаваны на 26 красавіка, і гэтая акцыя “будзе мець і экалагічны, і палітычны характар. Бо аварыя на чарнобыльскай АЭС была не толькі тэхнагеннай катастрофай, але і палітычнай праблемай, створанай савецкім рэжымым, які доўгі час хаваў наступствы Чарнобыля”. Таму акцыю наваполацкія дэмакраты хочуць правесці пад лозунгамі «Свобода. Правда. Справедливость».

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international