Брэст: на зборшчыцу подпісаў за “Народны рэферэндум” былы міліцыянер выклікаў міліцыю

2014 2014-04-13T20:11:17+0300 2014-04-13T20:11:42+0300 be http://spring96.org/files/images/sources/gavary_praudu.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Брэсце адбыўся інцыдэнт з актывісткай кампаніі “Гавары праўду” Святланай Нікадзімук, якая збірала подпісы сярод жыхароў Брэста за “Народны рэферэндум” і наведала з гэтай мэтай шматпавярховы дом.

Жыхар адной з кватэр, да якога звярнулася Нікадзімук, спаслаўся на тое, што яму трэба лепш азнаёміцца з прапанаванымі пытаннямі “Народнага рэферэндума”, запрасіў жанчыну ў пакой і зачыніў дзверы. Пасля гэтага гаспадар кватэры назваўся “міліцыянерам на пенсіі” і па тэлефоне выклікаў нарад міліцыі. Адначасова мужчына распавёў, што арганізатараў і актывістаў “Народнага рэфенрэндума” трэба “пасадзіць”.

У выніку Святлану Нікадзімук адвезлі ў Ленінскі РАУС Брэста, дзе склалі на яе пратакол апытання і адабралі зварот з сабранымі подпісамі. Па словах мясцовага каардынатара грамадзянскай кампаніі “Гавары праўду” Ігара Маслоўскага, які асабіста ездзіў у міліцэйскі пастарунак, ён пісьмова патлумачыў законнасць збору подпісаў.

Зараз Маслоўскі ад імя актывістаў грамадзянскай кампаніі накіраваў заяву на імя кіраўніка РАУС, у якім просіць на падставе закона Рэспублікі Беларусь аб зваротах грамадзян і юрыдычных асоб вярнуць актывістцы калектыўны зварот з подпісамі жыхароў Брэста і прыцягнуць да адказнасці грамадзяніна, які незаконна ўтрымліваў Святлану Нікадзімук у сваёй кватэры.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international