Пратэстанцкага пастара А.Бокуна пакаралі трыма суткамі арышту

2007 2007-06-05T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Суд Цэнтральнага раёну Менску пакараў пастара пратэстанцкай царквы Яна Хрысьціцеля Антонія Бокуна арыштам на трое сутак за правядзеньне несанкцыянаванага ўладамі набажэнства, паведамляе Радыё Свабода.

Пастары іншых пратэстанцкіх цэркваў, якія прыйшлі на суд, заявілі, што пакараньне Антонія Бокуна ёсьць сьведчаньнем таго, што беларускія ўлады правакуюць рэлігійную варожасьць і напружанасьць у грамадзтве.

Антонія Бокуна затрымалі 3 чэрвеня падчас набажэнства, якое адбывалася ўва ўласным доме пастара.

Антонія Бокуна судзілі пасьля таго, як вынесьлі пакараньне затрыманым удзельнікам флэш-мобу супраць скасаваньня льготаў. Вернікі царквы, а таксама бацькі пастара, ягоная цяжарная жонка зь пяцігадовым сынам Адамам чакалі суду ад 10-й раніцы. Толькі а палове на восьмую пачаўся суд.

Антонія Бокуна абвінавацілі ў правядзеньні несанкцыянаванага набажэнства. Пастар патлумачыў судзьдзі Тацяне Паўлючук, што ўлады дазвол на набажэнства не даюць, а вернікам трэба зьбірацца кожную нядзелю. Пастар у судзе патлумачыў, што тыдзень таму яго ўжо затрымлівалі і пакаралі штрафам 620 тысяч рублёў паводле аналягічнага абвінавачаньня.

Судзьдзя Тацяна Паўлючук пастанавіла ўлічыць тэрмін затрыманьня пастара ад нядзелі. Такім чынам, ён выйдзе на волю раніцай у сераду, 6 чэрвеня, у 11:45 раніцы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international