Улады Пінску таксама патрабуюць зьняць прыватныя спадарожнікавыя тэлевізійныя антэны

2007 2007-06-04T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Зняць прыватныя спадарожнікавыя тэлевізійныя антэны патрабуюць на гэты раз ад жыхароў Пінска (Брэсцкая вобласць). Абвесткі з адпаведным загадам на гэтым тыдні з’явіліся на пад’ездах жылых дамоў па ўсім горадзе.

Як паведаміў службе маніторынгу БАЖ намеснік начальніка Пінскага гарадскога вытворчага аб’яднання “Жыллёва-камунальная гаспадарка” Мікалай Базан, распараджэнне абвясціць жыхароў шматпавярховых дамоў аб неабходнасці зняць антэны атрымалі на планёрцы 28 мая ўсе начальнікі ЖЭУ Пінска.

“Прычына патрабавання вельмі простая: антэны псуюць фасады будынка і пакрыццё даху, у выніку затапляюцца вадой кватэры верхніх паверхаў”, – патлумачыў Мікалай Базан. Па яго словах, уладальнікі спадарожнікавых антэн павіны дэмантаваць іх самастойна, інакш рызыкуюць атрымаць штраф.

Жыхарка Пінска, сябра БАЖ Валянціна Наварыч прачытала, між іншым, ў абвестцы на пад’ездзе свайго дома, што неабходна зняць антэны з дахаў. Далей тлумачылася, таму што гэта небяспечна для даху.

– Але спадарожнікавая антэна, якая належыць мне, прымацаваная да цаглянай сцяны ў спецыяльнай нішы, яе нават не бачна з вуліцы. Дах антэна не закранае і, больш за тое, не псуе яго, – кажа Валянціна Наварыч.

– Я патэлефанавала начальніку ЖЭУ №1 Ніне Гардзеевай і патлумачыла гэта. Аднак мне адказалі, што патрабаванне абавязковае для ўсіх жыхароў дома. Маўляў, дыскутаваць – марнаваць час: “Выконвайце загад, інакш будзе складзены адміністрацыйны пратакол і заплаціце штраф”.

Намеснік старшыні Пінскага гарвыканкама, які курыруе ЖКГ, А. Сацута, адмовіўся адказаць на пытанні, спаслаўшыся на тэрміновы ад’езд, і параіў усё высвятляць у кіраўніцтва жыллёва-камунальнай гаспадаркі горада.

У аддзеле па ідэалогіі Пінскага гарвыканкама адказалі, што нічога не ведаюць пра патрабаванне ЖЭУ горада, але, калі яно ёсць, трэба выконваць.

Пакуль масавага зняцця антэн-“талерак” у Пінску не назіраецца.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international