Amnesty International занепакоеная колькасцю смяротных пакаранняў у свеце ў 2013 годзе. У Беларусі пакаранняў смерцю не было, але вынесены 4 смяротныя прысуды

2014 2014-03-28T13:16:00+0300 2014-04-01T13:17:10+0300 be http://spring96.org/files/images/sources/amnesty-international.jpg

Праваабарончая арганізацыя AmnestyInternational занепакоеная значным павелічэннем колькасці пакаранняў смерцю ва ўсім свеце. Асабліва прыкметны рост колькасці пакаранняў смерцю зафіксаваны ў Іране і Іраку.

Міжнародная праваабарончая арганізацыя Amnesty International (AI) выказала глыбокую занепакоенасць значным ростам колькасці смяротных пакаранняў ва ўсім свеце. У дакладзе AI, апублікаваным у чацвер, 27 сакавіка, паведамляецца, што ў 2013 годзе ў Кітаі былі зноў пакараныя тысячы зняволеных. Гэтыя звесткі, аднак, не пацверджаныя афіцыйна, бо з 2009 года адпаведная статыстыка ў КНР з'яўляецца дзяржаўнай таямніцай.

Колькасць прыведзеных у 2013 годзе ў выкананне смяротных прысудаў у астатніх дзяржавах склала 778 - на 96 больш за папярэдні год. Асабліва прыкметны рост колькасці пакаранняў смерцю зафіксаваны ў Іране (369), а таксама ў Іраку (169), дзе большасць смяротных прысудаў было прыведзена ў выкананне ў рамках барацьбы з тэрарызмам. У ЗША ў 2013 годзе былі пакараныя 39 чалавек, паведамляецца ў дакладзе AI.

AmnestyInternational падкрэсліла, што асноўная маса пакаранняў смерцю ва ўсім свеце прыходзіцца толькі на некалькі краін: за межамі КНР амаль 80 працэнтаў пакаранняў смерцю адбываецца ў трох дзяржавах - Іране, Іраку і Саудаўскай Аравіі. Пры гэтым у Саудаўскай Аравіі караюць смерцю нават непаўналетніх. Адначасова AI канстатавала і станоўчую тэндэнцыю: упершыню з 2009 года ў краінах Еўропы і Цэнтральнай Азіі не быў пакараны ні адзін чалавек, а ў ЗША смяротнае пакаранне адмяніў ужо 18-ы па ліку штат - Мэрылэнд.

У 2013 годзе ў Беларусі не было ні аднаго выпадку смяротнага пакарання. Тым не менш, у мінулым годзе 4 чалавекі былі прысуджаныя да вышэйшай меры пакарання.

Нагадаем, у Беларусі санкцыі чатырнаццаці артыкулаў Крымінальнага кодэкса прадугледжваюць смяротнае пакаранне, хаця і ні адзін з іх не вызначае яго як адзіна магчымае пакаранне. Смяротнае пакаранне не можа быць прызначаная: асобам, якія здзейснілі злачынства ва ўзросце да васемнаццацi гадоў; жанчынам; мужчынам, якія дасягнулі да дня вынясення прысуду 65 гадоў. Асуджаны можа прасіць аб памілаванні, г.зн. замене смяротнага пакарання пажыццёвым зняволеннем, але вядома толькі пра адно памілаванне прэзідэнтам А.Лукашэнкам.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international