На Ахоцкай выбарчай акрузе прасоўваюць сацыял-спартоўца?

2014 2014-03-23T17:52:18+0300 2014-03-23T17:53:54+0300 be http://spring96.org/files/images/sources/ahockaja_akruga_uk7-9a.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На такую думку наводзіць фотаздымак з фае сярэдняй школы №172 Заводскага раёна Мінска, у якой знаходзяцца выбарчыя ўчасткі № 7-9. 

На стэндзе, побач з агульным, устаноўленага ўзору, інфармацыйным плакатам пра чатырох кандыдатаў у дэпутаты, дадаткова змешчана агітацыйная ўлётка кандыдата ад Беларускай сацыяльна-спартыўнай партыі Ігара Русакевіча - першага намесніка генеральнага дырэктара замежнага таварыства з абмежаванай адказнасцю “ІТЭРА-БЕЛ”.  

У сувязі з гэтым праваабаронцы нагадваюць, што змяшчэнне агітацыйных матэрыялаў кандыдата ў дэпутаты на выбарчым участку ў дзень галасавання з’яўляецца парушэннем правілаў агітацыі.   

 

Фотаздымкі на сваёй старонцы ў Facebook апублікаваў карыстальнік Міхаіл Мікуліч.    

 

Супернікамі Русакевіча па Ахоцкай выбарчай акрузе №1 з’яўляюцца Ларыса Давыдзенка (Камуністычная партыя Беларусі), Аляксандр Рудакоўскі (Ліберальна-дэмакратычная партыя) і Ілля Дабратвор (Партыя БНФ). Варта адзначыць, што пасля крытыкі “Праваабаронцаў за свабодныя выбары” на сайце адміністрацыі Заводскага раёна з’явілася інфармацыя пра апазіцыйнага кандыдата, звесткі пра якога ў разгар агітацыйнай кампаніі замоўчваліся. Але і зараз інфармацыя пра Дабратвора ў спісе кандыдатаў акругі падаецца апошняй, а не першай, як таго патрабуе алфавітны прынцып змяшчэння. 

 

"Праваабаронцы за свабодныя выбары"

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international