Валянцін Стэфановіч: Найбольш парушэнняў на студэнцкіх выбарчых участках

2014 2014-03-21T12:00:47+0300 2014-03-21T12:00:47+0300 be http://spring96.org/files/images/sources/stefanovich-2012.jpg
Валянцін Стэфановіч (фота svaboda.org)

Валянцін Стэфановіч (фота svaboda.org)

Працягваецца датэрміновае галасаванне на выбарах у мясцовыя саветы. Цэнтрвыбаркам заяўляе пра актыўны удзел у датэрміновым галасаванні - за 2 дні прагаласавала ўжо каля 10 працэнтаў выбаршчыкаў.

Аднак назіральнікі выказваюць сумнеў у сапраўднасці гэтых лічбаў. Па словах намесніка старшыні праваабарончага цэнтру "Вясна" Валянціна Стэфановіча, назіральнікі фіксуюць завышэнне яўкі і прымус да ўдзелу ў галасаванні:

- Назіральнікі рапартуюць пра адну колькасць прагаласаваўшых, а ў пратаколах, якія вывешваюцца выбарчымі камісіямі па заканчэнні кожнага датэрміновага дня галасавання, лічбы значна большыя. Як правіла, гэта студэнцкія выбарчыя ўчасткі, дзе галасуюць студэнты. З часам гэтая розніцца вельмі істотная. І паступае інфармацыя пра тое, што скардзяцца выбаршчыкі пра прымус да галасавання.

Па словах Валянціна Стэфановіча, гэта характэрна для выбарчых акругаў, дзе шмат інтэрнатаў - студэнцкіх ці ведамасных, пастаяльцы якіх моцна залежаць ад адміністрацыі. Вялікія разыходжанні афіцыйных лічбаў прагаласаваўшых з дадзенымі назіральнікаў зафіксаваны ў Гомелі, Мазыры, Віцебску і іншых гарадах.

Напрыклад, у Віцебску назіральнік Павел Левінаў зафіксаваў укід бюлетэняў у празрыстую скрыню і зрабіў фатаздымкі, на якіх добра бачны акуратны стос выбарчых бюлетэняў. Па гэтым факце ў пракуратуру пададзена заява, - адзначыў Валянцін Стэфановіч.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international