40% бюджэтнікаў цяпер будуць адпрацоўваць не два гады, а пяць?

2014 2014-03-21T11:59:13+0300 2014-03-21T11:59:13+0300 be http://spring96.org/files/images/sources/razmerkavanne-vypusknikou.jpg

Па новых правілах паступлення ў ВНУ, на мэтавае навучанне возьмуць 60% аграрыяў і 40% — на ўсіх іншых спецыяльнасцях.


На нарадзе па пытаннях паступлення ва ўніверсітэты кіраўнік дзяржавы прапануе павялічыць колькасць абітурыентаў, якія паступаюць з накіраваннем ад будучага працадаўцы.
«Бо гэта проста вызначыць будучага настаўніка, будучага ваеннага. У нас гэтага няма. Гэта асноўныя змены ў прыёмных іспытах», — кажа Аляксандр Лукашэнка.
Новыя правілы прымаюць 20 сакавіка, за два месяцы да паступлення. На мэтавае навучанне па ўсіх спецыяльнасцях будуць набіраць да 40%, а на аграрныя спецыяльнасці — да 60% студэнтаў, перадае БелТА.
Ці не стане з-за гэтых «асноўных зменаў» менш месцаў для звычайных бюджэтнікаў, якія вучацца без накіравання і, адпаведна, адпрацоўваюць па размеркаванні толькі два гады? Цікавімся ў галоўнай ВНУ краіны.
«Ішла гаворка пра адрасныя заяўкі — ад сельскай гаспадаркі, мінабароны. На спецыяльнасць, напрыклад, мэнэнджмент наўрад ці будуць такія заяўкі. Да таго ж, калі такія змены будуць, трэба мяняць Палажэнне «Аб мэтавым наборы», — адказваюць Еўрарадыё ў прыёмнай камісіі БДУ.
Тут спадзяюцца, што многа мэтавікоў не пойдзе. Летась па накіраванні ў БДУ паступала толькі каля 20 чалавек сярод усіх абітурыентаў.
«Агульная колькасць месцаў не зменшыцца. Напрыклад, ёсць 40 месцаў на нейкай спецыяльнасці, 10 месцаў на мэтавы прыём. Гэтыя таксама бюджэтныя месцы, такая ж форма навучання. Адпаведна, тое самае, толькі выпускнік пойдзе да канкрэтнага працадаўцы, ну, і будзе там адпрацоўваць 5 гадоў», — расказваюць у Беларускім тэхналагічным універсітэце.
А калі б паступаў без накіравання — толькі два гады.
Траціна першакурснікаў Беларускага аграрна-тэхнічнага ўніверсітэта цяпер вучацца для канкрэтнага прадпрыемства — паступілі па мэтавым запыце.
«Дзяржава што за таго грошы плаціць, што за таго. Але адзін адпрацоўвае два гады, другі — пяць. Калі гатовыя канкураваць, добра, калі не гатовыя — няхай бяруць мэтавы запыт і пасля 5 гадоў адпрацоўваюць», — выказваюцца ў гэтай ВНУ.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international