Рэчыца: старшыня райвыканкаму палохае выбаршчыкаў апазіцыяй і падзеямі ва Украіне

2014 2014-03-20T15:34:36+0300 2014-03-20T15:34:36+0300 be http://spring96.org/files/images/sources/vybary23.03.2014.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Са зваротам да жыхароў раёна зрабіць «правільны выбар» звярнуўся на старонках газеты «Дняпровец» старшыня Рэчыцкага райвыканкаму Віталь Панчанка. Свае разважанні ён пачаў з адзнакі дэпутатаў мясцовых Саветаў 26 склікання, і назваў іх «безумоўна правільнымі». «Без лішняга шуму, нікому не патрэбных дэбатаў, нейкіх гучных заяў-выступаў, якія, як правіла, зводзяцца да таго, каб паказаць сваю асабістую значнасць і непаўторнасць, нашы Саветы канструктыўна рабілі сваю справу», - выказаўся Віталь Панчанка. 

Чыноўнік узгадаў сусветны фінансавы крызіс і гандлёвыя войны, і прыйшоў да высновы, што Беларусь здолела «захаваць галоўнае – парадак і бяспеку для ўсіх грамадзян».

Старшыня выканкаму праінфармаваў выбаршчыкаў, што жыхары Расіі, Украіны і Малдовы «шчыра зайздросцяць нашаму парадку, дабрабыту і накіраванасці нашай дзяржавы на рэальны вынік для большасці сваіх грамадзян». Віталь Панчанка перайшоў да тых, хто «можа быць супраць таго, каб жыццё беларускіх грамадзян паляпшалася». Хто ж гэтыя ворагі, якія супраць паляпшэння жыцця беларусаў? «Толькі тыя, каму трэба вырашыць канкрэтныя карысныя задачы сваіх заакіянскіх гаспадароў і атрымаць за гэта свае трыццаць срэбранікаў. Што мы зараз і бачым у нашай паўднёвай суседкі», - піша былы дырэктар калгасу, які з нядаўняга часу (мінулых выбараў) узначаліў Рэчыцкі райвыканкам.

«Такога (напэўна, маючы на ўвазе падзеі ва Украіне, - РЭД) людзі хацелі бы і ў нас, у Беларусі. Яны грукаюцца ў нашы дамы і пад выглядам агітацыі за «свабодных» кандыдатаў ад апазіцыі спрабуюць пераканаць нас, што з іх прыходам да ўлады ў нас пацякуць малочныя рэкі з кісельнымі берагамі», - выкрывае змовы чыноўнік.

На самой справе, як ён піша, апазіцыя хоча не дабра для народа, а «раскачаць наш човен знізу, праз укараненне сваіх прадстаўнікоў у мясцовыя органы ўлады». Віталь Панчанка ўпэўнена піша, што прадстаўнікі апазіцыі «грошы на гэта атрымалі, якія трэба адпрацаваць».

Начальнік зноў узгадвае падзеі ў суседняй краіне, пішучы, што «не дай Бог нам такой «дэмакратыі», як зараз ва Украіне».

Ён, дарэчы, «не супраць дэмакратыі, свабоды і рынкавых адносін», але «усё гэта ў нас ёсць, і ўсё гэта трэба развіваць і ўдасканальваць».

 

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international