Мікашэвічы: назіранне з выпрабаваннямі

2014 2014-03-19T12:53:09+0300 2014-03-19T12:53:09+0300 be http://spring96.org/files/images/sources/mikashevichy-kandydaty.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Першы дзень незалежныя назіральнікі Наталля Якубовіч і Маргарыта Рац на выбарчым участку № 52, размешчаным у СШ № 2 у Мікашэвічах, правялі ў вельмі неспрыяльных умовах. Наталля Якубовіч распавядае:

- Яшчэ падчас рэгістрацыі 17 сакавіка мы звярнулі ўвагу, што стол для назіральнікаў стаіць у кутку так далёка, што нічога не відаць, што адбываецца на самім участку: ні кабінак для галасавання, ні скрынкі для галасавання. Мы папрасілі пераставіць столік, але нам у гэтым было адмоўлена. У першы дзень датэрміновага галасавання столік стаяў на тым жа месцы. Прыйшлося пісаць скаргу на імя старшыні ўчастковай камісіі Генадзя Разановіча. Затым яшчэ адну скаргу на імя старшыні гарадской выбарчай камісіі. І толькі амаль перад самым закрыццём участка столік пераставілі. Самым натуральным здзекам для нас была забарона дырэктарам СШ № 2 Галінай Сацэвіч, дзе размешчаны ўчастак і якая не мае дачынення да працы камісіі, хадзіць у прыбіральню, буфет, наогул выходзіць з памяшкання школы – інакш нас не пусцяць зайсці на ўчастак паўторна. Неяк мы вытрымалі да 14 гадзін такія ўмовы. Эмбарга было знята пасля пададзеных скаргаў. У 16 гадзін кіраўнічка школы Галіна Сацэвіч прыйшла на ўчастак і прабачылася перад намі.

На думку назіральнікаў, уся справа ў тым, што на ўчастку № 52 ідзе галасаванне за незалежных кандыдатаў - Леаніда Дубаносава, Віталя Каліноўскага і іншых. Іх апанент - дырэктар прадпрыемства “Граніт” Эдуард Гаўрылковіч, які пазбавіў сем’і непакорных гранітаўцаў, якія адмовіліся выйсці з незалежнага прафсаюза, сродкаў для існавання.

“Праваабаронцы за свабодныя выбары”

 

 

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international