Пададзеная заяўка на правядзеньне пікету супраць перасьледу вернікаў хрысьціянскіх канфэсіяў

2007 2007-05-26T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сустаршыня аргкамітэту па стварэньні партыі "Беларуская хрысьціянская дэмакратыя" Аляксей Шэін падаў у Менгарвыканкам заяўку на правядзеньне 8 чэрвеня пікету супраць перасьледу вернікаў хрысьціянскіх канфэсіяў.

Як паведаміў Радыё Рацыі Аляксей Шэін, пікет мусіць прайсьці, калі яго дазволяць гарадзкія ўлады, у Парку Дружбы народаў ля плошчы Бангалор зь 17.30 да 19.30. Колькасьць удзельнікаў акцыі — да 100 чалавек.

— У Беларусі зараз працягваецца кампанія ў абарону права на свабоду сумленьня, — распавёў Шэін, — актывісты кампаніі спрабуюць данесьці да жыхароў Беларусі інфармацыю аб перасьледзе вернікаў розных хрысьціянскіх канфэсіяў і дабіцца прывядзеньня закону "Аб свабодзе сумленьня й рэлігійных арганізацыях" у адпаведнасьць з Канстытуцыяй і мжнароднымі актамі, падпісанымі Беларусьсю. Тым ня менш мы назіраем, што сытуацыя з правам на свабоду сумленьня ў нашай краіне толькі пагаршаецца: тут можна згадаць і справу з касьцёлам Сьвятога Язэпа, і высылку хрысьціянаў, якія ня маюць беларускага грамадзянства, і штрафы за багаслужэньні, няўзгодненыя зь дзяржаўнымі ворганамі.

Нагадаем, што ў красавіку Менгарвыканкам адмовіў у правядзеньні пікету ў абарону права на свабоду сумленьня. Тады А. Шэін зьбіраўся правесьці яго на плошчы Свабоды ў Менску, але гарадзкія ўлады заявілі, што пікет будзе замінаць пешаходам.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international