Брэст: суд пакараў удзельнікаў агітацыйнага пікету аднаго з кандыдатаў у дэпутаты

2014 2014-03-12T22:09:04+0300 2014-03-12T22:09:04+0300 be http://spring96.org/files/images/sources/brest-agit-piket-milic.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Лідэр Брэсцкай абласной арганізацыі АГП Уладзімір Вуек аштрафаваны на 25 базавых велічынь, а актывісты гэтай партыі Дыяна Касцюковіч і Юры Жыдовіч - на 10 базавых велічынь кожны.

Яны былі пакараны за пікет, які быў ініцыяваны Аб'яднанай грамадзянскай партыяй і адбыўся на вуліцы Савецкай у Брэсце 24 лютага. Тады, нягледзячы на выказаныя супрацоўнікамі праваахоўных органаў заўвагі, што акцыя ладзіцца ў месцы, якое рашэннем гарадскіх уладаў не можа выкарыстоўвацца для пікетавання, абышлося без затрыманняў. Аднак міліцыянты перапісалі пашпартныя дадзеныя ўдзельнікаў пікета і неўзабаве на іх былі складзеныя пратаколы аб адміністрацыйным правапарушэнні за правядзенне несанкцыянаванага масавага мерапрыемства. Суд пагадзіўся з высновамі супрацоўнікаў міліцыі і аштрафаваў актывістаў АГП.
“Мы спасылаліся на Асноўны закон, а менавіта на артыкул 35 Канстытуцыі Рэспублікі Беларусь, якая гарантуе права на мірныя сходы, мітынгі, шэсці, - распавёў Уладзімір Вуек. - Аднак суд гэта праігнараваў нашы аргументы, як не стаў ўлічваць і палажэнні выбарчага заканадаўства, якое дазваляе правядзенне падобных мерапрыемстваў у агітацыйны перыяд - бо гэта быў менавіта пікет нашага кандыдата ў дэпутаты. Акрамя таго, суд не прыняў да ўвагі той факт, што мы папярэдзілі Брэсцкі гарвыканкам аб дадзеным мерапрыемстве і ніхто нам адтуль не паведаміў, што гэта рабіць забаронена. Да таго ж менавіта на гэтым месцы, на вуліцы Савецкай, нядаўна ладзілі свой пікет актывісты іншай палітычнай партыі - БСДП (Грамада), і ніякіх перашкод не было” .

“Праваабаронцы за свабодныя выбары”

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international