Гродна: абласны суд не задаволіў скаргі сябраў АГП

2014 2014-03-11T22:02:52+0300 2014-03-14T14:08:00+0300 be http://spring96.org/files/images/sources/grodna-agp-sud.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Удзельнікі выбарчага пікету на вуліцы Ажэжкі 7 лютага Аляксандра Васілевіч, Ежы Грыгенч і Руслан Кулявіч

Удзельнікі выбарчага пікету на вуліцы Ажэжкі 7 лютага Аляксандра Васілевіч, Ежы Грыгенч і Руслан Кулявіч

У Гродзенскім абласным судзе 11 сакавіка прайшоў разгляд скаргаў трох актывістаў Аб’яднанай грамадзянскай партыі – Аляксандры Васілевіч, Ежы Грыгенчы і Ірыны Давідовіч. Усе яны імкнуліся аспрэчыць пастанову суддзі Алены Пятровай, якая пакарала партыйных актывістаў за правядзенне 7 лютага бягучага году нібыта несанкцыянаванага пікету вялікімі штрафамі. Суддзя абласнога суда Андрэй Кавальчук не стаў напружваць сябе дэталёвым разглядам сутнасці справы – на разгляд трох скаргаў яму хапіла ўсяго 15 хвілін.

Нагадаем, што 7 лютага ў цэнтры Гродна адбыўся перадвыбарчы пікет кандыдатаў ад АГП з удзелам старшыні партыі Анатоля Лябедзькі. Пазней на удзельнікаў пікету былі складзены пратаколы нібыта за адміністрацыйныя правапарушэнні – менавіта за тое, што паралельна з выбарчай агітацыяй сябры АГП збіралі подпісы супраць увядзення новай пошліны на аўтамабілі. Партыйныя актывісты лічаць, што яны нічога не парушылі, таму што прадстаўлялі афіцыйную пазіцыю сваёй партыі ў гэтым пытанні, а права на свабоду выказванняў ім гарантуе Канстытуцыя краіны. У выніку 12 лютага ў Ленінскім РАУСе сябры АГП былі асуджаныя да вялікіх штрафаў – у прыватнасці, Аляксандра Васілевіч і Ежы Грыгенча аштрафаваныя на 15 базавых велічыняў, Ірына Давідовіч з Іўя – на 10 базавых велічыняў.

Па словах старшыні гарадской арганізацыі АГП Аляксандры Васілевіч, яны маюць намер зараз аспрэчыць папярэднія рашэнні на імя старшыні абласнога суду.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international