У Гародні пройдуць Дні памяці ахвяраў таталітарных рэжымаў

2007 2007-05-25T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Гародні 26-29 траўня пройдуць мерапрыемствы, прысвечаныя Дням памяці ахвяраў таталітарных рэжымаў у Беларусі, паведамляе Хартыя’97.

Штодня з 26 па 29 траўня ў касцёлах і цэрквах Гародні будуць адбывацца набажэнствыпамяці ахвяраў таталітарных рэжымаў у Беларусі.

У панядзелак 28 траўня з удзелам грамадскасці горада і сяброў Гарадзенскай абласной асацыяцыі ахвяраў палітычных рэпрэсій адбудзецца круглы стол на тэму “Ад беларусізацыі да Курапатаў”. Круглы стол пройдзе ў памяшканні Гарадзенскага гарадскога аддзялення Беларускага грамадскага аб’яднання “Таварыства Беларускай Школы” (вул. Будзёнага 48а-44), пачатак а 18-й гадзіне.

Штодня падчас правядзення Дзён памяці ахвяраў удзельнікі мерапрыемстваў будуць запальваць свечкі ў месцах, звязаных з злачынствамі таталітарных рэжымаў

Мерапрыемствы праводзяцца ў межах года памяці, прысвечанага ахвярам палітычнага тэрору. Сёлета адзначаецца сумнае сямідзесяцігоддзе – у 1937 годзе разгул сталінскіх рэпрэсій дасягнуў піка. Беларуская дзяржава адмовілася стварыць аргкамітэт, каб годна ўшанаваць памяць ахвяр сталінізму.

Арганізатарамі Гарадзенскіх Дзён памяці ахвяраў таталітарных рэжымаў у Беларусі выступілі мясцовыя актывісты “”Руху За Свабоду”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international