Уладзь Яроменак выйшаў на волю

2014 2014-03-11T09:36:22+0300 2014-03-11T09:36:22+0300 be

А восьмай раніцы з арыштнага дома ў Баранавічах на волю выйшаў актывіст Маладога фронту Ўладзь Яроменак.Ён адбываў трохмесячны арышт за парушэньне рэжыму прэвэнтыўнага нагляду.

Уладзя сустракалі цяжарная жонка Валянціна, сябры Маладога фронту, журналісты.

Уладзь зазначыў Свабодзе па выхадзе з турмы, што адміністрацыя да яго ставілася нармальна, былі зафіксаваныя два парушэньні, але ў штрафны ізалятар яго не накіроўвалі.

На пытаньне, ці будзе працягваць палітычную дзейнасьць Уладзь не адказаў, зазначыўшы, што будзе вырашаць гэтае пытаньне зь сям’ёю, але сваіх палітычным перакананьняў ён не зьмяніў.

Уладзь у курсе падзеяў ва Ўкраіне, але ведае навіны адтуль з тыднёвым запазьненьнем, у прыватнасьці ён ў курсе, што рэжым Януковіча павалены.

Яроменак падзякаваў усім, хто пісаў яму, ён атрымліваў сотні лістоў з волі, а таксама незалежныя газэтам «Новы час і «Свободные новости», якія падпісалі яго на свае выданьні.


У жніўні мінулага году суд Першамайскага раёну Менску пакараў актывіста трыма месяцамі арышту за парушэньне правілаў прэвэнтыўнага нагляду. 11 сьнежня Яроменак быў узяты пад варту.

Уладзімеру Яроменку па крымінальнай справе аб масавых беспарадках у Менску 19 сьнежня 2010 года прысудзілі тры гады зьняволеньня ў калёніі ўзмоцненага рэжыму. У жніўні 2011 году яго вызвалілі на падставе прэзыдэнцкага ўказу аб памілаваньні. Над Яроменкам устанавілі прэвэнтыўны нагляд. 27 красавіка 2012 года яго асудзілі на сем сутак адміністрацыйнага арышту нібыта за дробнае хуліганства, а 24 студзеня 2013 года — на 12 сутак арышту за парушэньне ўмоў прэвэнтыўнага нагляду.

Паводле праваабаронцаў, прэвэнтыўны нагляд прымяняецца беларускімі ўладамі супраць былых палітзьняволеных, каб кантраляваць іх дзеяньні і прымусіць адмовіцца ад актыўнага ўдзелу ў грамадзкім жыцьці.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international