У Бялыніцкім раёне звесткі пра судзімасці кандыдатаў абяцаюць надрукаваць у інфармацыйных матэрыялах

2014 2014-03-08T22:10:41+0300 2014-03-08T22:10:41+0300 be http://spring96.org/files/images/sources/deputatckae_kresla.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Незалежны журналіст з Бялыніцкага раёна Барыс Вырвіч змог атрымаць тлумачэнні ад старшыні Бялыніцкай раённай выбарчай камісіі Ірыны Фурсавай, чаму ж у газеце “Зара над Друццю” у апублікаваных звестках пра кандыдатаў у дэпутаты Бялыніцкага райсавета не была ўказана інфармацыя пра маючыеся ў кандыдатаў судзімасці.

Старшыня Бялыніцкай раённай выбарчай камісіі, начальнік аддзела ідэалогіі, культуры і па справах моладзі мясцовага райвыканкама Ірына Фурсава паведаміла журналісту, што, не размясціўшы інфармацыю пра судзімасці кандыдатаў у раённай газеце, раённая выбарчая камісія дзейнічала строга ў рамках беларускага заканадаўства, бо размясціла інфармацыю пра судзімасці ў дадзеных кандыдатаў у дэпутаты, змешчаных на інтэрнэт-сайце Бялыніцкага райвыканкама. У артыкуле ж 68 Выбарчага Кодэкса РБ гаворыцца, што звесткі пра кандыдата ў дэпутаты выбарчая камісія можа не толькі накіроўваць у друк, а і інфармаваць выбаршчыкаў іншым спосабам, што і зрабіла Бялыніцкая раённая выбарчая камісія.

Таксама Ірына Уладзіміраўна паабяцала незалежнаму журналісту, што дадзеныя пра маючыеся ў кандыдатаў у дэпутаты райсавета судзімасці будуць апублікаваны ў інфармацыйных матэрыялах пра кандыдатаў, якія рыхтуюцца да выбараў.

“Зразумела, што наша слаўная раённая выбарчая камісія проста даводзіць інфармацыю пра маючыеся ў кандыдатаў у дэпутаты судзімасці такім спосабам, каб пра іх даведалася як мага менш выбаршчыкаў, пры гэтым не парушаючы літары закона, - выказвае меркаванне Барыс Вырвіч. – У іншым выпадку самы просты варыянт – апублікаваць дадзеныя ў раённай газеце “Зара над Друццю”, наклад якой складае 4200 асобнікаў, і якую могуць прачытаць большасць выбаршчыкаў Бялыніцкага раёна. На райвыканкамаўскі ж сайт, тым больш у раздзел “Выбары”, заходзяць лічаныя людзі. Інфармацыйныя матэрыялы пра кандыдатаў таксама прачытае не так шмат людзей. Навошта выбаршчыкаў бударажыць, людзі ў Бялыніцкім раёне і так шырока абмяркоўваюць апублікаваную ў газеце інфармацыю пра прыбыткі кандыдатаў-начальнікаў, навошта ім яшчэ і пра судзімасці нагадваць”.

Нагадаем, што бялыніцкі журналіст Барыс Вырвіч раней паспрабаваў высветліць у раённай выбарчай камісіі, чаму выбарчая камісія не надрукавала дадзеныя пра судзімасці кандыдатаў у дэпутаты ў раённай газеце “Зара над Друццю”, аднак тады нейкага зразумела адказу яму ў камісіі даць так і не змаглі.

У надрукаваных звестках пра кандыдатаў газета “Зара над Друццю” не ўказала на маючыяся судовыя пакаранні ў намесніка дырэктара ААТ “Новая Друць” Уладзіміра Канавалава, прадаўца магазіна “Каравай” Ганны Арахоўскай і ў лесніка Цяхцінскага лясніцтва Анатолія Ціхановіча.

Дарэчы, кандыдат у дэпутаты Бялыніцкага райсавета Уладзімір Канавалаў з’яўляецца шырока вядомай ў Магілёўскай вобласці асобай. Ён шмат гадоў працаваў на розных кіруючых пасадах, у тым ліку даволі працяглы час узначальваў Клімавіцкі райвыканкам. У 2005 годзе Уладзімір Канавалаў быў асуджаны Гомельскім абласным судом да 4 гадоў пазбаўлення волі за перавышэнне службовых паўнамоцтваў.

Па некаторай інфармацыі, зараз Уладзімір Вінідзіктавіч рыхтуецца заняць яшчэ адну значную кіруючую пасаду…

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international