Зварот Праваабарончага цэнтра «Вясна» да ўладаў Расійскай Федэрацыі

2014 2014-03-04T10:42:49+0300 2014-08-06T11:12:51+0300 be http://spring96.org/files/images/sources/viasnalogo.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

 

 

Надзвычайнаму і Паўнамоцнаму Паслу
Расійскай Федэрацыі ў Рэспубліцы Беларусь
Спадару Сурыкаву Аляксандру Аляксандравічу

Праваабарончы цэнтр "Вясна"
г. Мінск, вул. Мяржынскага, 8-26

 

 

 

 

Зварот

 

У сувязі з уварваннем войскаў Расійскай Федэрацыі на тэрыторыю Украіны і рашэннем Савета Федэрацыі пра дазвол на выкарыстанне расійскіх войскаў на тэрыторыі Украіны «да нармалізацыі сітуацыі», мы, прадстаўнікі Праваабарончага цэнтра "Вясна", выказваем сваё абурэнне дзеяннямі ўладаў Расійскай Федэрацыі і заклікаем:

Паважаць суверэнітэт і тэрытарыяльную цэласнасць Украіны, спыніць ваеннае ўмяшанне ва ўнутраныя справы гэтай дзяржавы, як таго патрабуюць міжнародныя дамовы, у тым ліку заключаныя ў рамках АБСЕ, сябрам якой з'яўляецца і Расійская Федэрацыя.

Не дапускаць прымянення зброі і фізічнага гвалту ў дачыненні да мірнага насельніцтва акупаваных тэрыторый, а таксама ў дачыненні да ўкраінскіх вайскоўцаў.

Неадкладна разблакаваць ваенныя аб'екты ўкраінскіх узброеных сілаў і ВМФ, а таксама вярнуць расійскія войскі ў месцы іх пастаяннай дыслакацыі ў адпаведнасці з заключанымі Харкаўскімі пагадненнямі пра статус Чарнаморскага флота Расійскай Федэрацыі.

Нагадваем, што ў адпаведнасці з Міжнародным Пактам аб грамадзянскіх і палітычных правах прымяненне катаванняў і іншых відаў жорсткага і бесчалавечнага абыходжання недапушчальнае, у тым ліку і ва ўмовах узброеных канфліктаў.

Таксама нагадваем, што ўся адказнасць за магчымыя чалавечыя ахвяры сярод мірнага насельніцтва і вайскоўцаў з абодвух бакоў у выніку развязанай непрыхаванай агрэсіі цалкам будзе ляжаць на кіраўніцтве Расійскай Федэрацыі і яе прэзідэнце У.У. Пуціне асабіста.

Мы заклікаем кіраўніцтва Расійскай Федэрацыі не дапускаць далейшай эскалацыі канфлікту і неадкладна пачаць перамовы па пытаннях, якія закранаюць інтарэсы абедзвюх краінаў.

 

Ад імя Рады
Праваабарончага цэнтра "Вясна"                               Валянцін Стэфановіч

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international