У Мёрах былі затрыманыя журналісты «Белсату» і актывісты БХД

2014 2014-02-23T08:46:23+0300 2014-02-23T08:46:23+0300 be

У Мёрах 20 лютага былі затрыманыя двое карэспандэнтаў тэлеканала «Белсат», якія прыехалі ў горад асвятляць да гэтага часу не вырашаную праблему адсутнасці ацяплення, паведаміла прэс-служба аргкамітэта па стварэнні партыі «Беларуская хрысціянская дэмакратыя» (БХД). Прозвішчы журналістаў не называюцца.

Разам з журналістамі былі затрыманыя два актывісты аргкамітэта БХД, якія суправаджалі іх, — Сяргей Васільеў і Дзяніс Маскаленка. Пры затрыманні прысутнічаў асабіста начальнік Мёрскага РАУС Сяргей Лонь, паведаміла каардынатар аргкамітэта БХД па Віцебскай вобласці Таццяна Севярынец.

Аднаго з журналістаў вызвалілі каля 18.00, другога паабяцалі вызваліць неўзабаве. Актывісту БХД Зміцеру Лупачу, які ў пошуках затрыманых прыйшоў у РАУС, міліцыянты параілі сыходзіць, пакуль не затрымалі і яго.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international