Адвакаты Аляксандра Казуліна накіруюць скаргу Генеральнаму пракурору Беларусі

Вярхоўны суд Беларусі адмовіў адвакатам Аляксандра Казуліна ў задавальненьні іх нагляднай скаргі на прысуд палітыку. Адмысловы дакумэнт падпісаў намесьнік старшыні Вярхоўнага суду Валер Калінковіч.

Паводле гэтага дакумэнту, скарга разгледжаная 21 траўня, празь месяц пасьля яе падачы.

— У нас застаецца адзіны шлях — гэта наглядная скарга на імя Генэральнага пракурора Беларусі Пятра Міклашэвіча, — распавёў Радыё Свабода былы адвакат Казуліна Ігар Рынкевіч. — Але ўжо зараз відавочна, што рэжым прадэманстраваў сваю нягнуткасьць і няздольнасьць ісьці насустрач патрабаваньням беларускай і ўсясьветнай дэмакратычнай грамадзкасьці.