Баранавічы: гарвыканкам увёў дадатковыя месцы для агітацыі

2014 2014-02-14T14:57:13+0300 2014-02-14T14:57:13+0300 be http://spring96.org/files/images/sources/baranavichy-vykankam.jpeg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

На афіцыйным сайце Баранавіцкага гарвыканкама з’явілася новае рашэнне № 255 “Аб унясенні зменаў у рашэнне Баранавіцкага гарвыканкама ад 31 студзеня 2014 года № 242”. Цяпер у распараджэнні кандыдатаў у дэпутаты не толькі маленькая і неўладкаваная пляцоўка старога парку для агітацыі, а яшчэ пяць дадатковых месцаў, сярод якіх малады парк, стадыён “Лакаматыў”, сквер памяці воінаў-інтэрналістаў і г.д.

– На папярэдняй выбарчай кампаніі 2010 года ў мясцовыя саветы грамадскія актывісты і незалежныя прэтэндэнты на дэпутацкія мандаты дамагліся ад гарвыканкама выдзялення дадатковых месцаў для агітацыі. У пачатку выбарчай кампаніі 2014 года гарвыканкам зноў пакінуў для агітацыі толькі адну неўладкаваную пляцоўка ў старым парку горада, таму ў сваёй заяве ад 28 студзеня праваабронцы і грамадскія актывісты патрабавалі ад гарадскіх уладаў павялічыць колькасць месцаў для агітацыі. Цяпер кандыдаты ў дэпутаты будуць мець лепшыя інфармацыйныя магчымасці, каб правесці агітацыйную кампанію эфектыўна і больш масава, – паведаміў праваабаронца Сяргей Гоўша.

Нагадаем, што на рэгістрацыю кандыдатамі ў Баранавіцкі гарадскі Савет падалі дакументы 42 чалавекі. Паколькі ў горадзе 36 акругаў, то на большасці з іх, зразумела, выбары будуць безальтэрнатыўнымі.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international