Дашкевіча пакінулі пад наглядам

2014 2014-02-13T17:34:17+0300 2014-02-13T17:34:17+0300 be http://spring96.org/files/images/sources/dashkievich-2013.jpg
Зміцер Дашкевіч. Фота svaboda.org

Зміцер Дашкевіч. Фота svaboda.org

13 лютага суд Першамайскага раёну Менску працягнуў на тры месяцы прэнтыўны нагляд у дачыненьні да былога палітвязня Зьмітра Дашкевіча.

 

Нагляд над Дашкевічам усталяваны на паўгода і павінен быў скончыцца 28 лютага. Зараз ён працягнуты да 28 траўня.

Сам сустаршыня «Маладога фронту» на судзе не прысутнічаў, бо быў заняты на працы. Рашэньне суду ён камэнтаваць адмовіўся.

28 жніўня 2013 года сустаршыня міжнароднага грамадзкага аб’яднаньня «Малады фронт» (зарэгістраванага ў Чэхіі) Зьміцер Дашкевіч выйшаў на волю з гарадзенскай турмы № 1 пасьля амаль трохгадовага зьняволеньня. Яго арыштавалі напярэдадні апошніх прэзыдэнцкіх выбараў, 18 сьнежня 2010 году, і асудзілі спачатку за «асабліва злоснае хуліганства», а пасьля за «злоснае непадпарадкаваньне патрабаваньням адміністрацыі папраўчай установы». Пад прэвэнтыўным наглядам Дашкевіч павінен знаходзіцца на працягу паўгода пасьля вызваленьня. Яму забаронена пакідаць месца жыхарства з 20 да 6 гадзін.

6 лістапада Дашкевіча затрымалі ў Менску падчас акцыі «Маладога фронту»: яе ўдзельнікі зьбіралі подпісы мінакоў за вяртаньне сталічнай вуліцы Леніна яе гістарычнай назвы — Францішканская. У той жа дзень яго асудзілі за непадпарадкаваньне міліцыі на трое сутак. Дашкевіч сваёй віны не прызнаў, заявіўшы, што яго асудзілі на падставе сфальсыфікаванага пратаколу, і расцаніў дзеяньні ўладаў як «працяг курсу на перасьлед іншадумцаў».

5 сьнежня Дашкевіча папярэдзілі пра магчымае прадаўжэньне і ўзмацненьне прэвэнтыўнага нагляду ў выпадку «далейшага аказаньня супраціву супрацоўнікам міліцыі».

Паўторнае парушэньне правілаў прэвэнтыўнага нагляду (п. 2 арт. 24.12 КаАП) цягне за сабой пакараньне ў выглядзе штрафу да 50 базавых велічынь або адміністрацыйнага арышту.

30 студзеня 2014 году суд Першамайскага раёну Менску абавязаўЗьмітра Дашкевіча выплаціць штраф у 10 базавых велічынь (1 млн 300 тыс. рублёў) за парушэньне парадку прэвэнтыўнага нагляду.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international