У Гомельскай вобласці суды прызнаюць правамоцным неўключэнне ў камісіі сябраў «Справядлівага свету»

2014 2014-02-08T09:32:24+0300 2014-02-08T09:32:24+0300 be http://spring96.org/files/images/sources/sudy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

7 лютага адбыліся два суды па скаргах Беларускай партыі левых «Справядлівы свет» на неўключэнне партыйцаў у склад участковых камісій. Усяго па вобласці прэтэндавалі на ўключэнне ў склад УВК 88 сябраў «Справядлівага свету». Пакуль, па папярэдніх дадзеных, апазіцыянеры не трапілі ў склад камісій, прынамсі, у Мазыры, Рэчыцы, Буда-Кашалёва, Гомелі, Светлагорску.

Кіраўнік абласной арганізацыі партыі Уладзімір Сякерка лічыць, што рашэнні органаў, фарміруючых камісіі, былі неправамоцнымі, бо дэмакратычных прадстаўнікоў беспадстаўна не ўключылі ў склад УВК. Напрыклад, у Рэчыцы патлумачылі, што актывісты партыі маюць сталы ўзрост, пры гэтым 19 прадстаўнікоў праўладнай ветэранскай арганізацыі ўзялі лічыць бюлетэні.

7 лютага суд Буда-Кашалёўскага раёна ў асобе суддзі Кацярыны Шубіч пакінуў скаргу без задавальнення, а рашэнне выканкама аб фарміраванні УВК палічыў правамоцным. У судзе выступілі таксама і прадстаўнікі выканкаму. «Адмову партыйцам яны патлумачылі тым, што ім зручней працаваць са знаёмымі і праверанымі людзьмі, якія маюць вопыт. Я адзначыў, што сярод нашых кандыдатур – былы дырэктар школы, і былы старшыня раённага Савету – няўжо яны не маюць досведу працы ў камісіях?» - пракаментаваў Уладзімір Сякерка.

Аналагічнае рашэнне (прызнаць правамоцным неўключэнне ў склад УВК сябраў партыі «Справядлівы свет») прыняў 7 лютага і суд Цэнтральнага раёна Гомеля.

Таксама партыйцы будуць абскарджваць рашэнні органаў, фарміруючых УВК, і ў іншых раёнах Гомельскай вобласці.

“Праваабаронцы за свабодныя выбары”

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international