viasna on patreon

Суд над Валерыем Шчукіным пачнецца 6 чэрвеня

2007 2007-05-18T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Судовы працэс па справе вядомага праваабаронцы і журналіста Валерыя Шчукіна пачнецца 6 чэрвеня, у 14.30 у судзе Першамайскага раёна Віцебска.

Валеры Шчукіна абвінавачваюць у абразе членаў Віцебскай абласной выбарчай камісіі і адначасова членаў акруговай камісіі №52 г. Віцебску. Пасля выбараў у мясцовыя Саветы, якія прайшлі ў Беларусі 14 студзеня 2007 года, праваабаронца распаўсюджваў улёткі, у якіх паведамлялася, што члены выбаркамаў удзельнічалі ў фальсіфікацыях вынікаў выбараў.

Як стала вядома, члены выбаркамаў не падавалі заяву з патрабаваннем узбудзіць супраць праваабаронцы крымінальную справу за "абразу". Крымінальныя справы былі ўзбуджаны па ініцыятыве пракурораў Чыгуначнага і Першамайскага раёнаў Віцебска.

Па словах Валерыя Шчукіна, пракуроры не мелі права ўзбуджаць крымінальнае справу. "Па гэтым артыкуле абавязкова наяўнасць заявы ад "абражаных" асобаў", -- лічыць праваабаронца.

Апошнія навіны

Партнёрства

Сяброўства