Гомельскія міліцыянеры патрабавалі на пікеце зняць бел-чырвона-белы сцяг (фота)

2014 2014-02-01T19:20:37+0300 2014-02-01T19:20:37+0300 be http://spring96.org/files/images/sources/gomel-zbor-podpis-1.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

 

У Гомелі 1 лютага грамадзянская кампанія «Гавары праўду!» праводзіла пікет па збору подпісаў за вылучэнне кандыдатамі ў дэпутаты актывістаў кампаніі. Усяго кампанія «ГП» падтрымлівае ў горадзе над Сожам 23 чалавек, якія вылучаюцца ў гарадскі і абласны Саветы. Пікет праходзіў у шматлюдным месцы – насупраць чыгуначнага вакзалу. Актывісты размясцілі сімволіку кампаніі «Гавары праўду!», «Народнага рэферэндуму», а таксама прымацавалі бел-чырвона-белы сцяг. Менавіта нацыянальная сімволіка і зацікавіла міліцыянераў. Яны запатрабавалі зняць сцяг. Але актывісты давялі супрацоўнікаў міліцыі, што бел-чырвона-белы сцяг не з'яўляецца забароненай сімволікай, і папрасілі прадставіць нарматыўна-прававы акт, згодна якому нацыянальны сцяг знаходзіцца пад забаронай.

Міліцыянеры зніякавелі і адышлі, не знайшоўшы што адказаць.

Тым часам грамадзянскі актывіст Кастусь Жукоўскі праз мегафон заклікаў міліцыянераў, якія стаялі воддаль і назіралі за пікетам, аддаць подпісы за незалежных кандыдатаў. «Міліцыянеры! Паглядзіце, якія ў вас заробкі, і якія ў дэпутатаў! Пастаўце подпісы за нашых канндыдатаў! Палітычны зыск забаронены ў нашай краіне, згодна Канстытуцыі, а вы чым займаецеся?», - прысарамаціў ахоўнікаў грамадскага парадку актывіст.

Варта дадаць, што людзі неахвотна ставілі подпісы, большасць раўнадушна праходзіла міма, толькі кідалі зацікаўленыя позіркі.

“Праваабаронцы за свабодныя выбары”

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international