Маладафронтавец зьехаў ад суду ў Чэхію

2007 2007-05-17T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Адзін з абвінавачаных у справе «Маладога фронту» Аляксей Янушэўскі ўцёк зь Беларусі ў Чэхію. Зьехаў ён яшчэ 24 красавіка. Ехаў праз Расею, Украіну, Польшчу. Прыкладна тым самым шляхам, як Алесь Казакоў і Зьміцер Зубро, паведамляе "Наша ніва".

Цяпер Аляксей жыве ў Празе ў бацькі, які там працуе. Праўда, ужо найбліжэйшым часам давядзецца перасяліцца ў інтэрнат для ўцекачоў — гэта неабходная ўмова, каб атрымаць у Чэхіі прытулак. У выпадку, калі яго справа ў Беларусі скончыцца штрафам, ці ўмоўным пакараньнем Янушэўскі зьбіраецца вярнуцца на Радзіму.

Аляксей кажа, што рашэньне пра ўцёкі давалася досыць цяжка, хаця і з разуменьнем, што іншага выйсьця няма. «Зьехаў не празь сябе, я не зьбіраюся апраўдвацца, зьехаў праз «Малады фронт». Бо ў турме я рабіць тое, што я раблю тут, ня меў бы магчымасьці. Хаця, калі б мне, напрыклад, сказалі, што будзе дакладна палова году, я б застаўся. Зараз справа ідзе, уратаваць арганізацыю, таму й зьехаў. Функцыі, якія я выконваў у Беларусі, цалкам выконваю і тут», кажа Янушэўскі.

Нагадаем, што 30 траўня ў Савецкім судзе Менску пачнецца працэс «маладафронтаўцаў». Зьмітра Хведарука, Барыса Гарэцкага, Насту Палажанку, Алега Корбан і Аляксея Янушэўскага абвінавачваюць у парушэньні 193 га артыкулу крымінальнага кодэксу «Дзейнасьць ад імя незарэгістраванай арганізацыі». Ужо дакладна вядома, што Янушэўскага на судзе ня будзе.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international