Салігорск: прызначана дата суда па справе аб забароне пікету да Дня правоў чалавека
Грамадскі актывіст з Салігорска Уладзімір Шыла
Суд Салігорскага раёна прызначыў разгляд скаргі мясцовага актывіста Уладзіміра Шылы на забарону мясцовымі ўладамі пікету да Дня правоў чалавека на 14 гадзін 4 лютага. Справу будзе весці намесніца старшыні суда Ала Трафімчук.
Не абышлося і без эксцэсаў. Першапачаткова суд вызначыў пакінуць скаргу аткывіста без руху, бо выявіліся праблемы са сплатай дзяражаўнага мыта за разгляд справы.
- У сваёй скарзе, акрамя просьбы задаволіць скаргу ды абавязаць Салігорскі райвыканкам узгадніць новую дату пікета, я вымагаў ад суду прыняцця рашэнне аб кампенсацыі мне маральнай шкоды, нанесенай у выніку парушэння маіх правоў, - кажа Уладзімір Шыла. - Для разгляду гэтага пункта нібыта неабходна было дадаткова сплаціць даволі вялікую дзяржаўную мыту. У сувязі са складаным матэрыяльным становішчам мне прышлося адмовіцца ад гэтага патрабавання.
Па словах актывіста, ён не мае ілюзіяў адносна будучага рашэння суда па яго скарзе і гатовы да стратэгічнай цяжбы з далейшым абскарджваннем у вышэйшых нацыянальных ды міжнараодных інстанцыях.
