У Магілёве забаронены пікет з-за недахопу прыбіральшчыкаў

2014 2014-01-21T13:27:21+0300 2014-01-21T13:27:21+0300 be http://spring96.org/files/images/sources/dvorniki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прычына адмовы ў правядзенні пікета супраць увядзення новых падаткаў палягае ў тым, што камунальнікі адмовіліся прыбіраць тэрыторыю.

У афіцыйным адказе, які атрымаў адзін з заяўнікаў пікета, старшыня Магілёўскай абласной арганізацыі Аб’яднанай грамадзянскай партыі Уладзімір Шанцаў ад МГКУ дарожна-маставога прадпрыемства, гаворыцца, што на прадпрыемстве недахоп прыбіральшчыкаў тэрыторыі, а дзень меркаванага мерапрыемства прыпадае на выходны.

У сувязі з гэтым Магілёўскі гарвыканкам прыняў рашэнне адмовіць магілёўскім дэмакратам у пікеце.

Сітуацыю каментуе старшыня Магілёўскай абласной арганізацыі БНФ “Адраджэньне” Зміцер Салаўёў:

“Спачатку камунальнікі з намі заключылі дамову на прыбіранне тэрыторыі, аднак потым яны разарвалі гэтую дамову ў аднабаковым парадку. Лічу, што ва ўсім гэтым ёсць палітычны падтэкст, і мясцовыя ўлады не хочуць даваць дазвол на правядзенне масавых мерапрыемстваў нават на ўскрайку горада, у адзіным дазволеным месцы ў горадзе. Відавочна, што тэма ўвядзення новых падаткаў закранае большасць беларусаў і актуальна для іх, таму грамадзяне маглі прыйсці падтрымаць пікет нават на ўскраек горада”.

Нагадаем, што ініцыятарамі пікета супраць увядзення новы падаткаў выступілі старшыня Магілёўскай абласной арганізацыі БНФ “Адраджэньне” Зміцер Салаўёў, старшыня Магілёўскай абласной арганізацыі АГП Уладзімір Шанцаў  і намеснік старшыні Свабоднага прафсаюза Беларускага Юрый Новікаў. Мерапрыемства яны планавалі правесці 25 студзеня на пляцоўцы стадыёна “Хімік” на ўскрайку горада.  

Трэба адзначыць, што з 1 студзеня 2014 года дзейнічае новы падатак на ўласнікаў аўтамабіляў. Кіраўніцтва краіны неаднаразова выказвалася за тое, каб быў уведзены падатак і на тунеядцаў.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international