Цімошак хоча падзякаваць МУС за разгон культурніцкай імпрэзы

2014 2014-01-20T11:49:07+0300 2014-01-20T11:49:07+0300 be http://spring96.org/files/images/sources/cimoshak_zinaida.jpg
Зінаіда Цімошак. Фота: svaboda.org

Зінаіда Цімошак. Фота: svaboda.org

21 студзеня калегія Менскага абласнога суду будзе разглядаць скаргу Зінаіды Цімошак, якая дамагаецца скасаваньня штрафу.

РанейСлуцкісудпрызнаўпраглядфільмуілекцыюнатэмуСлуцкагазбройнагачынунесанкцыянаванайакцыяйіаштрафаваўЦімошакна 2,6 мільёнарублёў.


«Пастанова суду — незаконная і неаргумэнтаваная. Суд не дасьледаваў акалічнасьці справы. Пастанову трэба скасаваць», — кажа Цімошак.

 

«Я арганізавала лекцыю і прагляд дакумэнтальнага фільму »40 дзён сялянскай рэспублікі", які, дарэчы, паказвала афіцыйная тэлевізія. Слуцкае паўстаньне — для нас не палітыка, а гісторыя нашага краю«, — даводзіць сваю пазыцыю Цімошак.

 

Вечарам 23 лістапада міліцыянты ўварваліся ў Дом культуры вёскі Казловічы. Кіраўнік міліцыянтаў Дзьмітры Шклярэўскі патлумачыў тады, што ў арганізатаркі імпрэзы «няма санкцыі на сустрэчу». Міліцыянты дапыталі ўсіх удзельнікаў імпрэзы. А на Цімошак склалі пратакол паводле адміністрацыйнага артыкула «Парушэньне парадку арганізацыі правядзеньня сходаў».

 

Цімошак перакананая, што міліцыянты і суд парушылі яе правы:

 

«У нашай Канстытуцыі ўсё хораша прапісана. А Канстытуцыю ніхто не скасоўваў, яна яшчэ дзейнічае. Там сказана, што грамадзяне маюць доступ да агульнакультурных каштоўнасьцяў. Ніхто гэтыя каштоўнасьці ня можа прыватызаваць. Усе сьведкі на судзе пацьвердзілі, што я зладзіла культурніцкую акцыю, а не палітычную».

 

«Мы толькі хацелі аддаць даніну павагі ўдзельнікам Слуцкага збройнага чыну. Чаму мы павінны памятаць пра падзеі ў Парыжы (у нас жа ёсьць вуліцы Парыскай камуны), але не пра падзеі на Случчыне? Чаму словы „слуцкі паўстанец“ правакуюць улады на ліхаманкавыя дзеяньні?» — задае рытарычныя пытаньні грамадзкая актывістка.

 

Зінаіда Цімошак не выключае, што «напіша ў МУС падзяку за дзеяньні Шклярэўскага» — міліцыянта, які камандаваў разгонам імпрэзы ў Казловіцкім доме культуры.

 

Улады «зрабілі для Слуцку тое, чаго мы не змаглі». «Пра гэты фільм мала хто ведае. Пасьля таго як адбыўся разгон, пра яго пісалі на сайтах, сотні людзей паглядзелі фільм у інтэрнэце і даведаліся пра Слуцкае паўстаньне», — тлумачыць Цімошак.

 

Грамадзкая актывістка гатовая сплаціць 2,6 мільёна рублёў штрафу, бо «я ня самая бедная, магу зарабіць гэтыя грошы».

 

Яна раскрывае сакрэт: «Я магу летам ягады зьбіраць. За 4–5 дзён зараблю гэтую суму».

 

Зінаіда Цімошак, якае зьбіраецца балятавацца на мясцовых выбарах, прызнае, што эпапэя з разгонам кіналекторыя ў Казловічах дадала ёй папулярнасьці: «На рынку ўжо гандляры пазнаюць, прапануюць за так яблыкі і мёд».

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international