Валянцін Стэфановіч: “Улады Беларусі працягваюць парушаць і абмяжоўваць права грамадзянаў краіны на свабоду аб’яднаньняў”

2007 2007-05-11T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Мінюст Беларусі разгледзеў матэрыялы адносна дзяржаўнай рэгістрацыі маладзёжнага грамадскага аб’яднаньня “Маладыя сацыял-дэмакраты - Маладая Грамада” і прыняў рашэньне: “Адмовіць!”. У афіцыйнай паперы, якую аб’яднаньне атрымала з Міністэрства юстыцыі, гаворыцца, што статут ствараемага грамадскага аб'яднаньня не адпавядае патрабаванням часткі трэцяй дзевятага артыкула закону "Аб грамадскіх аб'яднаннях".

На думку Міністэрства юстыцыі, у прадстаўленым статуце моладзевага грамадскага аб'яднаньня адсутнічала норма, якая прадугледжвае перыядычнасьць скліканьня кантрольна-рэвізійнага органа і кантрольна-рэвізійных органаў арганізацыйных структур грамадскага аб’яднаньня. Безумоўна, такую дробязь, пры жаданьні, можна было выправіць у рабочым парадку, але гэты варыянт, пэўна, не змог бы задаволіць Мінюст, таму часу для выпраўленьня Статута прадстаўлена не было.

Акрамя гэтага, як вынікае з ліста міністэрства, ініцыятары стварэньня грамадскага аб'яднаньня парушылі артыкул 13 Закона "Аб грамадскіх аб'яднаньнях" і не прадставілі сьпіс членаў кантрольна-рэвізійнага органа, які прадугледжвае прозьвішча, імя, імя па бацьку, дату нараджэння, грамадзянства, адрас сталага месца жыхарства, а таксама іх месца вучобы (працы) і нумар працоўнага тэлефона. Такім чынам, Мінюст адмовіў у дзяржаўнай рэгістрацыі грамадскаму аб’яднаньню Маладыя сацыял-дэмакраты – Маладая Грамада” і яго сімволікі. Адказ падпісаў начальнік упраўленьня грамадскіх аб’яднаньняў Міністэрства А. Сьліжэўскі.

Адмову Міністэрства юстыцыі каментуе праваабаронца Валянцін Стэфановіч: ”Тэндэнцыі застаюцца нязьменнымі. Улады не жадаюць рэгістраваць грамадскія аб’яднаньні. Нават наадварот, ліквідуюць, як гэта сталася нядаўна з Беларускім літаратурным фондам. Сітуацыя не зьмянілася нават пасьля скасаваньня Дзяржаўнай камісіі па рэгістрацыі (перарэгістрацыі) грамадскіх аб’яднаньняў, чым так любяць “казыраць” як станоўчым фактам нашыя афіцыйныя прадстаўнікі на самммітах АБСЕ і іншых міжнародных форумах. Улады Беларусі працягваюць парушаць і абмяжоўваць права грамадзянаў краіны на свабоду аб’яднаньняў. Усё гэта робіцца на фоне татальнага крымінальнага перасьледу актывістаў грамадзянскай супольнасьці за прыналежнасьць да незарэгістраваных арганізацыяў”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international