Беларуская асацыяцыя журналістаў асудзіла дзеяньні уладаў Узбекістана, якія пераследуюць журналістку і праваабаронцу Уміду Ніязаву

2007 2007-05-10T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Праўленне грамадскага аб’яднання “Беларуская асацыяцыя журналістаў” абмеркавала на пасяджэнні сітуацыю з Умідай Ніязавай і асудзіла дзеяньні ўладаў Узбекістана ў дачыненні журналісткі і праваабаронцы.

1 траўня ў Ташкенце 32-гадовай Умідзе Ніязавай быў вынесены прысуд 7 гадоў зняволення ў калоніі агульнага рэжыму. Яе абвінавацілі ў парушэнні адразу трох крымінальных артыкулаў: “Незаконны выезд за мяжу альбо незаконны ўезд у Рэспубліку Узбекістан”, “Выраб ці распаўсюд матэрыялаў, якія ўтрымліваюць пагрозу грамадскай бяспецы і грамадскаму парадку” і “Кантрабанда”. Разгляд судовай справы ладзіўся ў закрытым рэжыме.

Але, згодна з апошнімі паведамленьнямі інфармагенцтваў з Узбекістану, 8 траўня апеляцыйны суд замяніў прысуд з 7 гадоў пазбаўлення волі на 7 гадоў ўмоўна з трохгадовым выпрабаваўчым тэрмінам. Пра гэта паведамляе прэс-служба Беларускай асацыяцыі журналістаў.

У абарону журналісткі выступілі шэраг міжнародных праваабарончых арганізацый, грамадскія і палітычныя інстытуты, урады дэмакратычных краін. Нагадаем, што праваабарончы цэнтар 'Вясна' звярнуўся да прэзідэнта Рэспублікі Узбекістан Іслама Карымава з пратэстам у сувязі з арыштам і зьняволеньнем узбекскай праваабаронцы і журналісткі. Адпаведны пратэст быў накіраваны таксама Пастаяннаму Паўнамоцнаму Прадстаўніку Рэспублікі Узбекістан у Рэспубліцы Беларусь і Надзвычайнаму і Паўнамоцнаму паслу Рэспублікі Узбекістан у Расійскай Федэрацыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international