Баранавічы: ператрус у кватэры актывіста БХД тлумачаць канфліктам мясцовых хлопцаў з туркменамі

2013 2013-12-20T10:01:29+0300 2013-12-20T10:01:29+0300 be http://spring96.org/files/images/sources/babej-arcem-baranavichy.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Арцём Бабей.

Арцём Бабей.

Ператрус, які правялі ў Баранавічах супрацоўнікі ГАУС на кватэры, дзе прапісаны актывіст незарэгістраванай палітычнай партыі Беларуская Хрысціянская Дэмакратыя Арцём Бабей, у выніку якога былі канфіскаваны два ноўтбукі, дыскі, партыйныя газеты і налепкі з “Пагоняй”, тлумачыўся праверкай датычнасці актывіста да бойкі мясцовых хлопцаў з туркменамі, якая адбылася 13 снежня.

– Праз дзень пасля бойкі мясцовых хлопцаў з туркменамі ў Баранавічах міліцыя мяне затрымала, каб даведацца, ці меў я якое-небудзь дачыненне да гэтага міжнацыянальнага канфлікту на плошчы Леніна. Мяне адпусцілі адразу, бо я не меў аніякіх адносінаў да гэтага інцыдэнту. А вось 18 снежня яны ўжо правялі ператрус кватэры, дзе жывуць мой брат з мамай і канфіскавалі кампутары і бэхэдоўскую інфармацыйную літаратуру, якая, безумоўна, таксама не мае аніякага дачынення да беларуска-туркменскага маладзёвага канфлікту ў Баранавічах, – паведаміў Арцём Бабей.

Як адзначыла мама Арцёма Бабея Ірына Карніцкая, супрацоўнікаў міліцыі падчас ператрусу больш цікавілі паперы Арцёма, чым рэчавыя доказы яго дачынення да маладзёвай бойкі 13 снежня ў цэнтры горада.

– Мне здаецца, што міліцыі я хутчэй цікавы як сябра аргкамітэта незарэгістраванай палітычнай партыі, чым як чалавек, які можа біцца з замежнымі студэнтамі Баранавіцкага дзяржаўнага універсітэта, – дадаў маладзёвы грамадскі актывіст.

Арцём Бабей мае намер абскардзіць дзеянні супрацоўнікаў міліцыі ў вышэйстаячых органаў улады.

 

Фота: грамадскі актывіст Арцём Бабей

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international