Падача касацыйнай скаргі як «хаджэнне па пакутах»

2013 2013-12-17T15:51:59+0300 2013-12-17T15:51:59+0300 be http://spring96.org/files/images/sources/rabianok-dzianis.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

28 лістапада суд Калінкавіцкага раёна сваім рашэннем спыніў адміністрацыйную справу супраць грамадзяніна, які здзейсніў гвалтоўны напад на Дзяніса Рабянка, распыліўшы яму ў вочы газавы балончык. У выніку актывіст АГП атрымаў апёк вачэй і праходзіў лекаванне ў афтальмолага.

Не згодны з такім вынікам судовага разгляду, малады чалавек вырашыў абскарджваць пастанову раённага суду ў Гомельскім абласным судзе. Для гэтага яму было неабходна атрымаць копію пастановы суддзі і азнаёміцца з пратаколам судовага паседжання. Але рэалізаваць сваё права, замацаванае ў законе, актывіст АГП змог толькі пасля размовы з намеснікам начальніка Гомельскага абласнога ўпраўлення юстыцыі, да якога звярнуўся з просьбай аб дапамозе.

У выніку атрымаць копію пастановы суддзі і азнаёміцца з пратаколам паседжання Дзяніс Рабянок змог толькі праз 8 дзён пасля суда – 5 снежня. Яшчэ раней, 30 лістапада, баючыся пропуску тэрмінаў, актывіст заплаціў пошліну і падаў агульную скаргу ў Гомельскі абласны суд на пастанову суду Калінкавічскага раёну, у якой прасіў рашэнне аб спыненні справы адмяніць і накіраваць справу на новы разгляд. Пазней, 12 снежня, пасля вывучэння копіі пастановы суддзі і знаёмства с пратаколам судовага паседжання, актывіст АГП накіраваў у суд дадатак да скаргі.

Але 14 снежня Дзяніс Рабянок атрымаў паведамленне з Калінкавіцкага суда, у якім было сказана, што актывіст падаў «нематываваную» скаргу і да 17 снежня яму неабходна падаць «матываваную» скаргу. У адваротным выпадку – скарга «будзе вернута, як непададзеная».

«Шчыра кажучы, я першы раз сутыкаюся з тым, каб раённы суд займаўся «цэнзураваннем» скаргаў, накіраваных у абласны суд. Гэта не кампетэнцыя суддзі Савасцянавай, яна перавышае свае паўнамоцтвы. Маю скаргу павінен ацэньваць Гомельскі абласны суд. Дзеянні ж раённага суду я лічу незаконнымі і ніякіх новых «матываваных» скаргаў дасылаць не збіраюся», - патлумачыў актывіст.

15 снежня Дзяніс Рабянок даслаў заяву на імя начальніка Гомельскага абласнога ўпраўлення юстыцыі, у якой просіць абавязаць суд Калінкавіцкага раёна накіраваць скаргу ў Гомельскі абласны суд у вызначаным Законам парадку.

«На мой погляд, змяненне схемы падачы касацыйных скарг (раней яны падаваліся непасрэдна ў абласны суд, зараз жа – праз раённы суд) прывяло да пагаршэння сітуацыі з абаронай права грамадзян на аб’ектыўнае і бесстаронняе судовае разбіральніцтва. Мая сітуацыя – яскравае таму пацверджанне. Лічу цалкам непрымальным тое, што службовая асоба, чые дзеянні абскарджваюцца (у маім выпадку суддзя раённага суда), сама ж і прымае рашэнне аб тым, ці будзе мая скарга ўвогуле накіравана на разгляд», - дадаў актывіст.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international