У Наваполацку ўначы затрымалі грамадзкага актывіста Аляксея Трубкіна

2007 2007-05-07T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Сёньня а першай гадзіне ночы ў Наваполацку на вуліцы Моладзевай быў затрыманы грамадзкі актывіст Аляксей Трубкін.

Як паведамляе "Радыё Свабода", міліцыянты абвінавацілі яго ў расклейцы налепак “антыдзяржаўнага характару”.

Аляксея Трубкіна даставілі ў пастарунак, правялі асабісты дагляд, але налепак не знайшлі. Потым цягам гадзіны зь ім гутарыў малады чалавек, які назваўся супрацоўнікам КДБ. Яго цікавіла кола знаёмстваў затрыманага й абставіны вучобы ў Польшчы.

Аляксей Трубкін зьяўляецца студэнтам-каліноўцам і вучыцца на філялягічным факультэце Беластоцкага ўнівэрсытэту.

Пасьля прафіляктычнай гутаркі, у 2 гадзіны 30 хвілін, міліцыянты падвезьлі затрыманага да ягонага дому.

Апошнія навіны

Партнёрства

Сяброўства