Бялынічы: “Навагодні пабор” з суб’ектаў гаспадарання

2013 2013-12-12T18:13:01+0300 2013-12-12T18:13:01+0300 be http://spring96.org/files/images/sources/groshyki.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Бялыніцкія прадпрымальнікі і прыватныя прадпрыемствы павінны набыць неабходныя матэрыялы для ўпрыгожання гарадскога пасёлка да сустрэчы Навагодніх святаў. З адпаведнай паперай з Бялыніцкага райвыканкама мясцовыя кіраўнікі прыватных прадпрыемстваў і індывідуальныя прадпрымальнікі былі азнаёмлены на гэтым тыдні.

У паперы, падпісанай намеснікам старшыні райвыканкама па пытаннях эканамічнага развіцця, пералічана сямнаццаць суб’ектаў гаспадарання з гарадскога пасёлка Бялынічы і пазначана колькасць дзюралайта (дзюралайт – празрысты (каляровы) шнур, з размешчанымі ўнутры дыёдамі альбо лямпамі накальвання. Вырабляецца з гнуткіх палімераў, выконвае функцыі светавой гірлянды), якую ім патрэбна набыць. Усе гэтыя суб’екты гаспадарання (у асноўным крамы) размяшчаюцца ў цэнтральнай частцы Бялыніч па вуліцах Савецкая, Ленінская і Калініна.

Так, адна з бялыніцкіх прадпрымальніц кажа, што ёй асабіста райвыканкамаўскімі чыноўнікамі “рэкамендавана” набыць 30 метраў дзюралайта.

Прадпрымальнікі выказваюць незадаволенасць такой вось ненавязлівай “рэкамендацыяй” з боку Бялыніцкага райвыканкама, аднак усё роўна збіраюцца яе выконваць, бо баяцца, што ў іншым выпадку ў іх могуць узнікнуць праблемы ў вядзенні асабістага бізнэсу.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international