Мікалаю Уласевічу не дазволілі праводзіць пікет супраць карупцыі

2013 2013-12-05T07:59:52+0300 2013-12-05T07:59:52+0300 be http://spring96.org/files/images/sources/ulasevichmikola.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Грамадска-палітычны актывіст Мікалай Уласевіч

Грамадска-палітычны актывіст Мікалай Уласевіч

   4-га снежня грамадскі актывіст з Астравеччыны Мікалай Уласевіч атрымаў адмову ў правядзенні пікету. Заяўку Уласевіч падаваў на 7 снежня, а месцам была пазначана пляцоўка каля камбіната бытавога абслугоўвання раённага цэнтру Астравец. Мэтай пікету пад назвай “Карупцыянераў да адказнасці” было прыцягненне ўвагі жыхароў, а таксама праваахоўных органаў да службовых злоўжыванняў і карупцыйных праяваў сярод высокапастаўленых асобаў раёну.

   Адмова падпісана першым намеснікам старшыні Астравецкага райвыканкаму Андрэем Янчэўскім. Чыноўнікі лічаць, што Уласевіч парушыў патрабаванне артыкула 5 “Закона аб масавых мерапрыемствах” у частцы прыняцця мер па забеспячэнні грамадскага парадку і бяспекі пры правядзенні масавага мерапрыемства, мераў, звязаных з медыцынскім абслугоўваннем, а таксама крыніцамі фінансавання масавага мерапрыемства.

   Мікалай Уласевіч так каментуе гэтую адмову: “Атрыманы адказ лічу чарговым пацверджаннем уседазволенасці, якою ўсіх нас беспакарана у Беларусі “кормяць” ужо многія гады чыноўнікі, якія зусім не прытрымліваюцца законаў і робяць ўсе, што ім прыйдзе ў галаву. Цікава, што нават праблему карупцыі нельга завастраць, хоць здавалася б сама ўлада з зайздроснай паслядоўнасцю пра гэта гаворыць. Насамрэч, як сведчыць сапраўдны стан рэчаў, у тым ліку і гэты атрыманы мной адказ, далей гучных “маланак і громаў” у змаганні з карупцыяй як сістэмнай з’явай, справа не ідзе. Адмову ў правядзенні пікета буду абскарджваць у судзе. Хоць ужо зараз зразумела, якое прыме рашэнне гэты дзяржаўны орган, які, па-сутнасці, з’яўляецца прыдаткам галоўнай у нас галіны ўлады – выканаўчай”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international