Гомельскі суд пераглядае справу пра забойства студэнткі

2013 2013-11-26T15:14:37+0300 2013-11-26T15:14:37+0300 be

26 лістапада ў Гомельскім абласным судзе распачаты перагляд крымінальнай справы Аляксандра Грунова пра забойства з асаблівай жорсткасьцю студэнткі Наташы Емяльянчыкавай.

Вярхоўны Суд у кастрычніку скасаваў Грунову сьмяротнае пакараньне. Пасьля гэтага выказаўся Аляксандар Лукашэнка:

«Калі ты — нягоднік і падонак, і ня першы раз учыняеш злачынства, забіваеш чалавека, дык якое права ты маеш жыць на гэтай зямлі? Я не крыважэрны, але адплата і пакараньне павінныя быць адпаведнымі. У іншым выпадку мы ніколі не навядзём парадак і ніколі не панізім гэтую тэмпэратуру ў грамадзтве. Цяжкія, асабліва цяжкія злачынствы: вінаваты — адказвай на ўсю катушку».

Груноў сёньня ў судзе адмовіўся даваць хоць якія паказаньні па крымінальнай справе. Віну сваю ў жорсткім забойстве прызнаў часткова: так, забойства зьдзейсьніў, але не прызнаў, што ўчыніў гэта з хуліганскіх памкненьняў.

Маці забітай студэнткі Ірына Емяльянчыкава падчас сваёй прамовы спаслалася на выказваньне Аляксандра Лукашэнкі і прасіла прысудзіць забойцу сьмяротнае пакараньне.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international