У Магілёве калектыўны зварот грамадзян пакінуты без увагі

2013 2013-11-22T14:43:23+0300 2013-11-22T14:43:23+0300 be http://spring96.org/files/images/sources/chynounik.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Паводле кіраўніка спраў Магілёўскага гарвыканкаму Ігара Аўсеенкі, прычынай для гэтага стала тое, што грамадзяне даслалі не арыгінальныя подпісы, а іх ксеракопію.

Ініцыятар калектыўнага звароту магілёвец Аляксей Паўлоўскі здзіўлены такім адказам.

“Раней не было ніякіх праблем з копіямі подпісаў, якія я ад імя грамадзян высылаў у розныя дзяржаўныя інстанцыі. Цяпер улада пайшла на хітрыкі, і каб не працаваць і вырашаць праблемы звычайных грамадзян, яна проста адпісваецца, шукаючы розныя лазейкі ў заканадаўстве. Робяць усё, каб не працаваць”, - гаворыць Аляксей Паўлоўскі.

Трэба адзначыць, што ў калектыўным звароце, які быў накіраваны на імя старшыні Магілёўскага гарвыканкаму Уладзіміра Цумарава, грамадзяне прасілі вырашыць праблемы добраўпарадкавання мікрараёна “Тэхнапрыбор”, у тым ліку прасілі зрабіць асвятленне, якога няма ў шматлікіх месцах. Пад калектыўным зваротам падпісаліся 263 чалавекі.

Варта дадаць, што гэта ўжо другі выпадак, калі прадстаўнікі ўлады адмаўляюцца разглядаць копіі калектыўных зваротаў грамадзян. Першым сярод магілёўцаў на такія хітрыкі пайшоў дэпутат Палаты прадстаўнікоў Эдуард Сянкевіч.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international