Праваабаронца Андрэй Бандарэнка на волі

2013 2013-11-19T12:04:03+0300 2013-11-19T14:41:20+0300 be http://spring96.org/files/images/sources/bandarenka-00.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»
Андрэй Бандарэнка. Фота: svaboda.org

Андрэй Бандарэнка. Фота: svaboda.org

19 лістапада кіраўнік праваабарончай установы "Платформ інавейшн" Андрэй Бандарэнка выйшаў на волю па сканчэнні тэрміну арышту. 

Ён быў асуджаны 14 лістапада судом Маскоўскага раёна сталіцы да 5 сутак пазбаўлення волі за ўдзел у “несанкцыянаваным мерапрыемстве”. Суддзя Таццяна Мотыль прызнала парушэннем артыкула 23.34 КаАП прысутнасць праваабаронцы каля СІЗА-1 на вуліцы Валадарскага 14 верасня, дзе сваякі памерлага арыштанта Ігара Пцічкіна, якія не вераць у афіцыйную версію яго смерці, хацелі ўшанаваць памяць памерлага ўскладаннем кветак да сценаў СІЗА.

Арышт Андрэя Бандарэнкі выклікаў рэзкае асуджэнне праваабаронцаў, якое выказалі ў сваіх заявах Праваабарончы цэнтр “Вясна” і Абсерваторыя па абароне праваабаронцаў, якія адназначна расцанілі арышт абаронца правоў зняволеных як помсту ўладаў за ягоную дзейнасць.

“Пакаранне Андрэя Бандарэнкі – скрайне жорсткае і неапраўданае. Бо ён пры затрыманні, якое было адвольным, выконваў абавязкі праваабаронцы – ён прыйшоў паназіраць за ўскладаннем кветак у месцы смерці Ігара Пцічкіна, і нават язык не паварочваецца назваць гэта нейкім масавым мерапрыемствам, хоць гэта так было расцэнена. І ў выніку толькі за тое, што ён падыйшоў да аўтазаку і запытаўся, колькі людзей затрымана, ён таксама апынуўся “удзельнікам” гэтага “несанкцыянаванага пікета”, - кажа юрыст “Вясны” Наста Лойка, якая прысутнічала ў судзе 14 лістапада.

Яна таксама адзначае, што міліцыя дзенічала груба і ў дачыненні да астатніх затрыманых 14 верасня. Супрацоўнікі міліцыі настолькі запужалі многіх “удзельнікаў” гэтай “акцыі”, якія ніколі раней не сутыкаліся з такім свавольствам з боку праваахоўных органаў, што яны папросту пабаяліся звяртацца па дапамогу да праваабаронцаў.   

“Іх супрацоўнікі міліцыі па адным цягалі на складанне пратаколаў, у суд, дзе іх судзілі, патрабавалі сплаціць штрафы там адразу на месцы… Казалі, што кантакты з праваабаронцамі да дабра не давядуць – у іх будуць праблемы па месцы працы ці вучобы, - распавядае Наста Лойка. – І дастаткова крыўдна, што людзі верылі міліцыі і што мы не змаглі аказаць ім дапамогу ў такой сітуацыі бяспраўя. Пры гэтым, напэўна, інфармацыя пра іх суды ўсё адно прыйдзе па месцы працы ці вучобы. І як яны збіраюцца далей бараніць свае правы – не зразумела”.

Скаргу на пастанову суда Маскоўскага раёна Андрэй Бандарэнка накіраваў у Мінскі гарадскі суд яшчэ да вызвалення з Акрэсціна.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international