Адбыўся суд над актывістамі Партыі БНФ у Віцебску
27 красавіка суд Кастрычніцкага раёну Віцебску разгледзеў адміністратыўныя справы актывістаў Партыі БНФ Сяргея Белязекі, Кастуся Смолікава і Уладзіслава Токарава, якія былі затрыманыя ўчора падчас жалобнай імпрэзы з нагоды 21-х угодкаў аварыі на ЧАЭС. Як стала вядома ПЦ "Вясна" судзьдзя Смалякова Ірына прызнала ўсіх трох віноўнымі ў парушэньні артыкулу 23.34 КаАП і вынесла пакараньне:
Кастусю Смолікаву - штраф памерам 2 базавыя велічыні;
Сяргею Белязеку - штраф памерам 5 базавых велічыняў;
Уладзіславу Токараву - арышт тэрмінам 3 сутак.
Нагадаем, старшыня гарадзкой арганізацыі сп. Токараў трымаў бел-чырвона-белы сьцяг з жалобнай чорнай стужкай, а старшыня абласной арганізацыі сп. Смолікаў выступіў перад прысутнымі з невялікай прамовай. У Сяргея Белязекі на шыі быў павязаны бел-чырвона-белы шалік.
