Ля Чарнобыльскай капліцы па вуліцы Карастаянавай а 15:00 прайшло афіцыйнае мерапрыемства, прымеркаванае да 21й гадавіны Чарнобыльскай трагедыі

2007 2007-04-27T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Ужо на падыходах капліцы была чутная жалобная музыка. Ля помніку ахвярам Чарнобыльскай катастрофы сабраліся пару соцень чалавек. Збольшага студэнтаў і школьнікаў, якіх прымусова даставілі на гэтае мерапрыемства. На заплечніках у некаторых маладзёнаў былі значкі «За свабоду», але міліцыя не рабіла ім ніяк заўвагаў.

У беразьняку побач зьбіраліся групкі ліквідатараў. Пілі гарэлку, успаміналі пра тыя часы. Пасьля некаторыя ішлі да помніка, большасьць жа накіроўвалася далей ад гэтага месца.

Высокія дзяржаўныя чыноўнікі, уключна з галоўным ідэолягам краіны Алегам Праляскоўскім, ускладвалі вянкі да помніку. Студэнты клалі гвазьдзікі. Граў вайсковы аркестар. Было зусім мала дзяржаўных журналістаў.

Недзе ў пару мэтрах ад помнікаў пачалася валтузьня. Міліцыянты не давалі прайсьці да помніку аднаму з п’яных ліквідатараў. Той крычаў: «Прапусьціце, гэта наша месца. Гэты помнік усталяваны нам». Ніякіх довады не пераконвалі міліцыянта. Апошняе, што казаў ліквідатар было. «Дайце прайсьці на пахаваньне... Пахаваньне Чарнобыльскіх ільгот». Міліцыянт ізноў не праявіў шкадаваньня. Пасьля чаго ліквідатар, разьвярнуўшыся, сышоў да сваіх сяброў. Яны ўтрох абняліся і пачалі ўспамінаць тых, каго болей няма зь імі, а потым заплакалі.

Яшчэ праз пару хвілін мерапрыемства скончылася, студэнты радасна скіраваліся па сваіх справах. Праз некалькі гадзінаў на гэтым самым месцы адбылася і апазыцыйная акцыя, паведаміла "Наша Ніва".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international