Гомель: на Зміцера Карашкова склалі пратакол за незаконнае пікетаванне (дапоўнена)

2013 2013-11-11T10:35:57+0300 2013-11-11T12:35:10+0300 be http://spring96.org/files/images/sources/zatrymannie.jpg Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Уранку 11 лістапада на цэнтральнай плошчы Леніна ў Гомелі быў затрыманы каардынатар грамадзянскай кампаніі «Хопіць піць — трэба жыць» Зміцер Карашкоў. Ён выйшаў на плошчу з антыалкагольным пікетам. Перад вокнамі аблвыканкама актывіст разгарнуў вялізны надпіс «Спыніце продаж алкаголю каля школ».

Змітра хутка затрымалі і пасадзілі ў міліцэйскую машыну.

У Цэнтральным РАУС Гомеля міліцыя склала на яго пратакол па артыкуле 23.34 КаАП (парушэнне парадку правядзення масавага мерапрыемства). Маладога чалавека пасля апытання, складання пратаколу і канфіскацыі расцяжкі адпусцілі дахаты. Цяпер яго чакае суд.

Раней актывіст доўгі час вёў перапіску з мясцовымі чыноўнікамі і дэпутатам гарсавета Валянцінай Атрошчанака і быў адным з ініцыятараў правядзення грамадскіх слуханняў аб забароне продажу алкаголю ў крамах, што знаходзяцца каля школ. Але гэта, на жаль, не дало вынікаў, таму Зміцер вырашыўся на пікет.

Зміцер Карашкоў спрабаваў легальна правесці антыалкагольны пікет, падаваў у сакавіку заяўку ў гарвыканкам, як таго патрабуе заканадаўства, але масавае мерапрыемства ўлады не дазволілі. Таму актывіст пайшоў на такія меры, каб звярнуць увагу грамадскасці на праблему. Раней, на мінулых выбарах у парламент, восенню 2012 года, ён быў ініцыятарам зваротаў ў розныя інстанцыі, у тым ліку дэпутатам, дзе прасіў забараніць продаж алкаголю на выбарчых участках, размешчаных у большасці сваёй у школах. Але выканаўчая і прадстаўнічая ўлада не прыслухалася да меркавання грамадзян, якія падпісваліся пад калектыўнай скаргай.

 

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international